ရေဖြူမြို့နယ်၊ သာယာမွန်ကျေးရွာအတွင်းသို့ စစ်ကြောင်းထိုးလာသော အကြမ်းဖက်စစ်သားများကို တိုက် ခိုက်မှု အရာရှိတစ်ဦးအပါအဝင် စစ်သား ၇ ဦးသေဆုံး၊ မောရဝတီရေတပ်က လက်နက်ကြီးဖြင့် ပစ်ခတ်မှုကြောင့် လသားအရွယ် ကလေးတစ်ဦးအပါအဝင် မိသားစု ၄ ဦးစလုံးသေဆုံး
D Day News
ဇွန်လ ၁၀
တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ်၊ သာယာမွန်ကျေးရွာဘက်သို့ စစ်ကြောင်းထိုးဝင် ရောက်လာသော အကြမ်းဖက်စစ်သားများကို တိုက်ခိုက်ခဲ့ရာ အရာရှိတစ်ဦးအပါအဝင် ၇ ဦး သေဆုံး ခဲ့ကြောင်း ဒေါနစစ်ကြောင်းထံမှ သိရသည်။
ဇွန်လ ၈ ရက်နေ့က နံနက် ၁၀ နာရီ ၅ မိနစ်အချိန်မှ မွန်းလွဲ ၂ နာရီ မိနစ် ၃၀ အချိန်အထိ အကြမ်း ဖက်စစ်ကောင်စီ၏ မောရဝတီရေတပ်မှ လက်နက်ကြီးဖြင့် ပစ်ခတ်ခဲ့ရာ ရေဖြူမြို့နယ်၊ ရာဖူးရွာသစ် အတွင်းသို့ ကျရောက်ပေါက်ကွဲပြီး နေအိမ်တစ်လုံးမီးလောင်ပျက်စီးကာ ယင်းနေအိမ်အတွင်းရှိ လသားအရွယ် ကလေးတစ်ဦးအပါအဝင် မိသားစုဝင် ၄ ဦးစလုံးသေဆုံးသွားကြောင်း သိရသည်။
ထိုသို့ လက်နက်ကြီးဖြင့် ပစ်ခတ်ပြီးနောက် အကြမ်းဖက်စစ်ကောင်စီတပ်သားများက သာယာမွန် ကျေးရွာ အတွင်းသို့ မွန်းလွဲ ၂ နာရီ မိနစ် ၄၀ အချိန်တွင် စစ်ကြောင်းထိုးဝင်ရောက်လာခဲ့သဖြင့် ပြည် သူ့ ကာကွယ်ရေးပူးပေါင်းတပ်ဖွဲ့မှ ခုံတိုက်ခိုက်ခဲ့ရာ နှစ် ဖက်အပြန်အလှန်တိုက်ပွဲ ပြင်းထန်ခဲ့ကြောင်း သိရသည်။
ယင်းတိုက်ခိုက်မှုအတွင်း အကြမ်းဖက်စစ်တပ်မှ အရာရှိ ၁ ဦးနှင့် ရဲဘော် ၆ ဦးသေဆုံးကာ ၆ ဦး ဒဏ် ရာရရှိခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိခဲ့ကြောင်း သိရသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးတပ်မတော်ဒေါနစစ်ကြောင်း နှင့် ပူးပေါင်းမဟာမိတ် တပ်များ MSRF (မွန်ပြည်တော်လှန်ရေးတပ်) ၊ New Mon State Party-AD ၊ KTLA ၊ Saw Dragon Drone Force(ဒရုန်းအထူးတပ်ဖွဲ့) တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
