ရေဖြူမြို့ပေါ်တွင် စစ်သားများ လိုက်ပါလာသည့် ကားတစ်စီးကို ပြောက်ကျားတိုက်ခိုက်မှု စစ်သား ၄ ဦး သေဆုံး
D Day News
ဇူလိုင်လ ၂၄
တနင်္သာရီတိုင်း၊ ရေဖြူမြို့ပေါ်တွင် အကြမ်းဖက်စစ်သားများ စီးနင်းလိုက်ပါလာသည့် ကားတစ်စီးကို ပစ်ခတ်တိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း ရေဖြူပြည်သူ့ကာကွယ်ရေးတပ်ဖွဲ့ – YPPDF ထံမှ သိရသည်။
ဇူလိုင်လ ၂၂ ရက် ညနေ ၃ နာရီ ဝန်းကျင်ခန့်က ရေဖြူမြို့ပေါ်တွင် အကြမ်းဖက်စစ်သားများ လိုက်ပါ လာသည့် စီးနင်းလိုက်ပါလာသော ကားတစ်စီးကို ပြောက်ကျားနည်းဖြင့် ပစ်ခတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁၅ မိနစ်ခန့်ကြာမြင့်ခဲ့ပြီး အကြမ်းဖက်စစ်သား ၄ ဦး သေဆုံးကာ ၁ ဦး ထွက်ပြေးလွတ်မြောက်ထွက်ပြေးသွားကြောင်း သိရသည်။
ထိုသို့ အပြန်အလှန်တိုက်ခိုက်မှုအတွင်းအကြမ်းဖက်စစ်သားများထံမှ MA 3 အမျိုးအစား သေနတ် ၄ လက်၊ ကျည်ဘောက် ၁၂ ခု၊ အီနာဂါသီး ၇ လုံး၊ လက်ပစ်ဗုံး ၄ လုံး၊ ကျည် ၄၀၀ တောင့် နှင့် လက် ကိုင် ဖုန်း ၂ လုံးတို့ကို သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို ရေဖြူပြည်သူ့ကာကွယ်ရေးတပ်ဖွဲ့ (YPPDF) နှင့် ဓဝယ်အမျိုးသားလွတ် မြောက် ရေးတပ်တော် (DNLA) တပ်ခွဲ ၁ တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
မိဘပြည်သူများအနေဖြင့် တစ်နိုင်ငံလုံးအတိုင်းအတာ စစ်ဆင်ရေးများအား အရှိန်အဟုန် တိုးမြင့်စွာ ဆောင်ရွက်နေသည့်အချိန် ဖြစ်သောကြောင့် စစ်ရေးအထူး အသိ/သတိပြု သွားလာနေထိုင်ကြရန် ရေဖြူမြို့နယ်ပြည်သူ့ကာကွယ်ရေးတပ်ဖွဲ့က အသိပေးထုတ်ပြန်ထားသည်။
D Day News
