မှော်ဘီမြို့နယ်ရဲတပ်ဖွဲ့မှူးရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်မှု ရဲများ ထိခိုက်မှုရှိ
သံလွင်မြန်မာသတင်း
ဖေဖော်ဝါရီလ ၂၄
ရန်ကုန်တိုင်း၊ မှော်ဘီမြို့နယ်၊ မြို့နယ်ရဲတပ်ဖွဲ့မှူးရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ ရဲများ ထိခိုက်မှုရှိကြောင်း Operation Flame အဖွဲ့က သတင်းထုတ်ပြန်သည်။
ယမန်နေ့ ဖေဖော်ဝါရီလ ၂၃ ရက် ညနေ ၆ နာရီ မိနစ် ၅၀ အချိန်က မှော်ဘီမြို့နယ်၊ အမှတ် ၄ လမ်း ဆုံ၊ အောက်မင်္ဂလာဒုံလမ်းမကြီးပေါ်ရှိ စစ်တပ် လက်အောက်ခံ မှော်ဘီမြို့နယ်ရဲတပ်ဖွဲ့မှူးရုံးကို အ ဝေးထိန်းမိုင်း ၂ လုံး အသုံးပြုပြီး ဖောက်ခွဲတိုက်ခိုက်ခဲ့ရာ ရဲတပ်ဖွဲ့ဝင်များ ထိခိုက်မှုရှိပြီး အသေးစိပ် သိရှိ နိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို ရန်ကုန်မြို့ပြပြောက်ကျားတပ်ဖွဲ့ – Operation Flame အဖွဲ့မှ ရဲဘော်များက လုပ်ဆောင်ခဲခြင်းဖြစ်ပြီး ရဲဘော်များအားလုံး ဘေးကင်းစွာဆုတ်ခွာနိုင်ခဲ့ပြီဖြစ်ကြောင်း သိရသည်။
Operation Flame အဖွဲ့အနေဖြင့် ရန်ကုန်မြို့ပြပြောက်ကျားလှုပ်ရှားမှုများကို ရန်ကုန်မြို့ပေါ်ရှိ တော်လှန်ရေးမဟာမိတ်အဖွဲ့အစည်းများနှင့်လက်တွဲကာ အကြမ်းဖက်စစ်ကောင်စီတပ်ကို အရှိန်မြင့် တိုက်ခိုက်သွားမည်ဖြစ်ကြောင်း အသိပေးထားသည်။
Thanlwin Myanmar Media
