အင်းစိန်မြို့နယ် လျှပ်စစ်မီတာရုံးစောင့် စစ်သားများကို လက်ပစ်ဗုံး ၂ လုံးဖြင့် ဖောက်ခွဲတိုက်ခိုက်
D Day News
စက်တင်ဘာလ ၂၇
ရန်ကုန်မြို့၊ အင်းစိန်မြို့နယ် လျှပ်စစ်မီတာရုံးစောင့် စစ်သားများကို လက်ပစ်ဗုံး ၂ လုံးဖြင့် ပစ်ခတ် ဖောက်ခွဲတိုက်ခိုက်ခဲ့ကြောင်း Freeland Attack Force- FLA ထံမှ သိရသည်။
ယမန်နေ့ စက်တင်ဘာလ ၂၆ ရက် ည ၇ နာရီ မိနစ် ၂၀ အချိန်ခန့်က အင်းစိန်မြို့နယ် လျှပ်စစ်မီတာ ရုံး၀င်းအတွင်းရှိ အကြမ်းဖက်စစ်ကောင်စီတပ်သားများ ကင်းစောင့်နေထိုင်ရာ သဲအိတ်ဘန်ကာ အတွင်းသို့ Freeland Attack Force- FLA ရဲဘော်များက လက်ပစ်ဗုံး ၂ လုံးအသုံးပြု၍ ဖောက်ခွဲ တိုက်ခိုက်ခဲ့ခြင်းဖြစ်ကြောင်း သိရသည်။
ပေါက်ကွဲမှုဖြစ်စဉ်တွင် လက်ပစ်ဗုံး၏ ပြင်းအားသက်ရောက်မှုနည်းပါးခဲ့သည်ကို တွေ့ရှိ့ရပြီး ပျက်ဆီး ထိခိုက်မှု အခြေအနေအား အသေးစိတ်မသိရှိရသေးသော်လည်း ရဲဘော်များ အနေဖြင့် ပစ်မှတ်မြို့ နယ်မှ ဘေးကင်းစွာ ဆုတ်ခွာနိုင်ခဲ့ကြောင်း သိရသည်။
Freeland Attack Force- FLA အင်အားစုအနေဖြင့် ရန်ကုန်မြို့ပြအား အကြမ်းဖက် စစ်ကောင်စီမှ လုံးဝ အုပ်ချုပ်၍ မရစေရန် အစွမ်းကုန် တွန်းလှန် ခုခံနေမည်ဖြစ်ပြီး ရန်ကုန်မြို့ပြတွင် အများပြည်သူ လူထုနှင့်အတူ လျှို့ဝှက်စွာ ရှိနေမည်ဖြစ်ကြောင်း အသိပေးထုတ်ပြန်ထားသည်။
D Day News
