လှည်းကူးမြို့နယ်၊ အုန်းနှဲကုန်းရပ်ကွက်အုပ်ချုပ်ရေးမှူးရုံးကို ဗုံးခွဲတိုက်ခိုက်မှု စစ်သားနှင့်အပေါင်း ပါများ ထိခိုက်မှုရှိပြီး လူနာ တင်ကားများ တန်းစီဝင်

သံလွင်မြန်မာသတင်း

စက်တင်ဘာလ ၂၆

ရန်ကုန်တိုင်း၊ လှည်းကူးမြို့နယ်၊ အုန်းနှဲကုန်းရပ်ကွက် အုပ်ချုပ်ရေးမှူးရုံးကို ဗုံးခွဲတိုက်ခိုက်ခဲ့ရာ စစ် သားနှင့်အပေါင်းများထိခိုက်မှုရှိပြီး လူနာတင်ကားများ တန်းစီဝင်သွားကြောင်း Yangon Army – YA ကထုတ်ပြန်သည်။

ယမန်နေ့ စက်တင်ဘာလ ၂၅ ရက်နေ့က လှည်းကူးမြို့နယ်၊ အုန်းနှဲကုန်းရပ်ကွက် အုပ်ချုပ်ရေးမှူးရုံ ကို ရန်ကုန်မြို့ပြပြောက်ကျားရဲဘော်များက ပြင်းအားမြင့်မိုင်း ၂ လုံးဖြင့် ဖောက်ခွဲ တိုက်ခိုက်ခဲ့ရာ ပစ်မှတ်အား ထိရောက်စွာ ပေါက်ကွဲခဲ့ပြီး လူနာတင်ကားများ တန်းစီဝင်သွားကြောင်း၊ စစ်သားနှင့် အပေါင်းပါ ၅ ဦးခန့် သေဆုံးနိုင်သည်အထိ အပြင်းအထန်ဒဏ်ရာရရှိခဲ့ကြောင်း သိရသည်။

“ခန့်မှန်း ထိခိုက်မှုက အနည်းဆုံး ၄ ယောက် ၅ ယောက်လောက်ထိခိုက်နိုင်ပါတယ်။ တိုက်ခိုက်ပြီး နောက်ပိုင်း လူတင်ယာဉ်တွေ ဝင်လိုက်၊ ထွက်လိုက်လုပ်နေတယ်လို့ သတင်းရပါတယ်။ သေဖို့လည်း များပါတယ်” ဟု Yangon Army – YA တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာန ထံသို့ ပြောကြားသည်။

ယင်းရပ်ကွက်ရုံးသည် အကြမ်းဖက်မင်းအောင်လှိုင် လက်အောက်ခံ အုပ်ချုပ်ရေးမှူး အုပ်ကြီးနှင့် လူမိုက်အဖွဲ့များနေရာယူထားကာ တရားမ၀င်ရွေးကောက်ပွဲ ကိစ္စများ ဆောင်ရွက်ခြင်း ၊ လူငယ် လူရွယ်များအားပေါ်တာဆွဲပြီး စစ်မှုထမ်း လိုအပ်သည့်နေရာများအား ရောင်းစား၍ လူကုန်ကူးခြင်း တို့ လုပ်ဆောင်နေကြောင်း သိရသည်။

ထို့ကြောင့် Yangon Army – YA မြို့ပြပြောက်ကျားရဲဘော်များ တိုက်ခိုက်ခဲ့ခြင်းဖြစ်ပြီး ပြည်သူ့ကာ ကွယ်ရေးတပ်ဖွဲ့ဝင်များ ဘေးအန္တရာယ်ကင်းရှင်းစွာ ပြန်လည် ဆုတ်ခွာနိုင်ခဲ့ကြောင်း သိရသည်။

စစ်ကောင်စီနှင့်ပတ်သက်သောပစ်မှတ်များ၊ အကြမ်းဖက်စစ်ကောင်စီပြုလုပ်မည့် တရားမ၀င်ရွေး ကောက်ပွဲနှင့် ပတ်သက်ပြီး ပါ၀င်လုပ်ကိုင်နေကြသောသူများအား ဆက်လက်၍ အပြင်း အထန် တိုက်ခိုက်သွားမည်ဖြစ်ကြောင်း Yangon Army – YA ကထုတ်ပြန်ထားသည်။

Thanlwin Myanmar Media