ဝမ်းတွင်းမြို့သို့ ကားဖြင့် ပြန်လာသည့် မြို့နယ်မှူးအပါအဝင် ၄ ဦးကို မိုင်းဆွဲတိုက်ခိုက်မှု ၄ ဦး စလုံး သေဆုံး (ရုပ်သံ)
D Day News
ဧပြီလ ၅
မန္တလေးတိုင်း၊ မိတ္ထီလာခရိုင်၊ဝမ်းတွင်းမြို့သို့ ကားဖြင့် ပြန်လာသည့် မြို့နယ်မှူးအပါအဝင် ရဲ ၄ ဦးကို မိုင်းဆွဲတိုက်ခိုက်ခဲ့ရာ ၄ ဦးစလုံးသေဆုံးသွားကြောင်း Wundwin Township Revolution Force – WTRF တပ်ဖွဲ့ထံမှ သိရသည်။
ယနေ့ ဧပြီလ ၅ ရက် ည ၇ နာရီခန့်က ဝမ်းတွင်းမြို့နယ်၊ ပင်းတလဲရွာဘက်မှ ပင်းတလဲ – ဝမ်းတွင်း ကား အတိုင်း ဝမ်းတွင်းမြို့ဘက်သို့ ပြန်လာသောမ မြို့နယ်မှူးအပါအဝင် ရဲ ၄ ဦးကို နတ်နန်း ကျေး ရွာနှင့် ထနောင်ကုန်းကျေးရွာကြား အရောက်WTRF အဖွဲ့မှ မိုင်းဆွဲတိုက်ခိုက်ခဲ့ရာ ကားမှာ မိုင်းထိ တိမ်း မှောက်သွားပြီး ကားပေါ် မြို့နယ်မှူးအပါအဝင် ရဲ ၄ ဦးစလုံးသေဆုံးခဲ့ကြောင်း သိရသည်။
https://youtu.be/EqIBZAeEMIw
“၄ ဦးသေတယ်၊ မြို့နယ်မှူးနဲ့ တခြား ၃ ဦးပါလာတာ၊ အကုန်သေတယ်၊ ကားကော၊ လူကော တစ စီ ပဲ၊ လာတာက ပင်းတလဲ ဘက် ကနေ ၄ စီးပြန်လာတာ၊ ၃ စီးက ဘယ်နားကျန်နေခဲ့လဲမသိဘူး၊ ဒီ တစ်စီးပဲ ရောက်လာလို့လာတဲ့ အစီး ကို ဆွဲလိုက်တာ၊ မြို့နယ်မှူးအစီးနဲ့ ကွက်တိပဲ၊ ဝမ်းတွင်းမြို့ထဲ လည်း အရေးပေါ် ကားသံတွေ ဆူညံသွားတယ်” ဟု Wundwin Township Revolution Force – WTRF တပ်ဖွဲ့မှတာဝန်ရှိ သူတစ် ဦးက ပြောကြားသည်။
ထိုသို့ တိုက်ခိုက်နိုင်ရန် တပ်တွင်းဖရဲသီးထံမှ တိတိကျကျ သတင်းရရှိခဲ့သဖြင့် တိုက်ခိုက်နိုင်ခဲ့ဖြစ်ပြီး မိုင်းဆွဲ တိုက်ခိုက်ခံရပြီးနောက် အကြမ်းဖက်စစ်သားများက ဒရုန်းများဖြင့် ပျံဝဲကာ ကင်းထောက် ခြင်းလုပ်ဆောင်ခဲ့ကြောင်း သိရသည်။
Photo – မိုင်းဆွဲခံရပြီးသေဆုံးသွားသော ဝမ်းတွင်းမြို့နယ်မှူး
D Day News
