TNLA ထိန်းချုပ်ထားရာ ကွက်ခိုင်မြို့ကို အကြမ်းဖက်စစ်တပ် လေကြောင်းဖြင့် ဗုံးကြဲမှုကြောင့် နေအိမ် ၂ လုံးမီးလောင်နေ
D Day News
ဩဂုတ်လ ၅
ရှမ်းပြည်နယ်မြောက်ပိုင်း၊ TNLA ထိန်းချုပ်ထားရာ ကွက်ခိုင်မြို့ကို အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ နေအိမ် ၂ လုံးမီးလောင်နေကြောင်း TNLA သတင်းနှင့်ပြန် ကြားရေးဌာနထံက သိရသည်။
ယနေ့ ဩဂုတ်လ ၅ ရက် ညနေ ၃ နာရီ ၅ မိနစ်အချိန်က ကွတ်ခိုင်မြို့၊ ရပ်ကွက် ၅ ၊ ဈေးဘက်တွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ်မှ တိုက်ခိုက်ရေး ယာဉ်ဖြင့် ဗုံး ၃ လုံး ကြဲချ တိုက်ခိုက်ခဲ့ရာ နေအိမ် ၂ လုံးမီးလောင်ကျွမ်းနေကြောင်း သိရသည်။
ထိုသို့ လာရောက်ဗုံးကြဲခြင်းမပြုလုပ်မီ အကြမ်းဖက်စစ်ကောင်စီတပ် မွန်းလွဲ ၂ နာရီခန့်ကတည်းက ပျံဝဲစောင့်နေခဲ့ကြောင်း သိရသည်။
Photo – CJ
D Day News
မှတ်ချက်များ ပေးခဲ့နိုင်ပါတယ်...
