သံလွင်မြန်မာသတင်း
ဩဂုတ်လ ၃၁
ရှမ်းပြည်နယ်မြောက်ပိုင်း ကျောက်မဲမြို့နယ်၊ နားခေါ်ကျေးရွာကို အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ နေအိမ် ပျက်စီးခဲ့ကြောင်း TNLA သတင်းနှင့်ပြန်ကြားရေးဌာန က ထုတ်ပြန်သည်။
ယမန်နေ့ ဩဂုတ်လ ၃၀ ရက် ည ၉ နာရီ ၄၈ မိနစ်တွင် တစ်ကြိမ်၊ ၉ နာရီ ၅၀ မိနစ်တွင် တစ်ကြိမ် တအာင်းပြည်၊ တပ်မဟာ ၂ နယ်မြေ ၊ ကျောက်မဲမြို့နယ်၊ နားခေါ်ကျေးရွာကို အကြမ်းဖက်စစ်ကောင် စီတပ်က တိုက်ပွဲဖြစ်ပွားခြင်းမရှိပဲ ပေါင် ၂၅၀ ဗုံး ၂ လုံးကြဲချတိုက်ခိုက်ခဲ့ရာ ပြည်သူပိုင်နေအိမ် ၄ လုံး ထိခိုက်ပျက်စီးခဲ့ကြောင်း သိရ သည်။
ဩဂုတ်လ ၂၉ ရက်နေ့ကလည်း တိုက်ပွဲဖြစ်ပွားခြင်းမရှိဘဲ မိုင်းလုံမြို့နယ်၊ ပန်းသပြေကျေးရွာအတွင်း သို့ အကြမ်းဖက်စစ်ကောင်စီတပ်က ပေါင် ၂၅၀ ဗုံးသီး’ ၄ လုံး ကြဲချတိုက်ခိုက်ခဲ့ရာ သီလရှင် ဆရာ လေး ၁ ပါး၊ အမျိုး သမီး ၁ ဦးတို့ သေဆုံးခဲ့ ပြီး သံဃာတော် ၂ ပါး၊ သာမဏေ ၃ ပါးနှင့် အမျိုးသား ၁ ဦး တို့ ထိမှန်ဒဏ်ရာ ရရှိခဲ့ကြောင်း၊ ထို့အပြင် နေအိမ် ၄ လုံး ၊ ကျောင်းဆောင် ၅ ဆောင်နှင့် ဓမ္မာရုံ ၁ ရုံတို့ ထိခိုက် ပျက်စီး ခဲ့ကြောင်း သိရသည်။
အကြမ်းဖက်စစ်ကောင်စီတပ်က အရပ်သားပြည်သူလူထုကို ပစ်မှတ်ထားကာ လေကြောင်းဖြင့် ဗုံးကြဲ တိုက်ခိုက်လျက်ရှိသောကြောင့် မိဘပြည်သူများအနေဖြင့် စစ်ကောင်စီ၏ဗုံးကြဲတိုက်ခိုက်မှုများရှောင် ရှားနိုင်ရန် စစ်ရေးသတိအမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန် ကာ ကွယ်ရေးဆိုင်ရာ နည်းလမ်းများကို လိုက်နာဆောင်ရွက်ရန်လိုအပ်ပါကြောင်း TNLA သတင်းနှင့် ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
