သံလွင်မြန်မာသတင်း
ဩဂုတ်လ ၁၃
ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ ပင်ပေါကျေးရွာကို အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ နေအိမ် ၂ လုံးပျက်စီးခဲ့ကြောင်း TNLA သတင်းနှင့်ပြန်ကြား ရေး ဌာနက ထုတ်ပြန်သည်။
ယနေ့ ဩဂုတ်လ ၁၃ ရက် နံနက်အစောပိုင်း ၁၂ နာရီ ၄၂ မိနစ်က တအာင်းပြည်၊ တပ်မဟာ ၂ နယ် မြေ၊ ကျောက်မဲမြို့နယ်၊ပင်ပေါကျေးရွာကို စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ ဂျက်ဖိုက် တာဖြင့် ပေါင် ၂၅၀ ဗုံးသီး ၂ လုံးကြဲချတိုက်ခိုက်ခဲ့ရာ နေအိမ် ၂ လုံး ထိမှန်ပျက်စီး ခဲ့ကြောင်း သိရ သည်။
ထိုအပြင် သြဂုတ်လ ၁၂ ရက်နေ့လည်း နောင်ချိုမြို့နယ်၊ မြောက်ကုန်းစံကျေးရွာနှင့် ရှုခင်းသာတို့တွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က ဟောင်ဝစ်ဇာဖြင့် လက်နက်ကြီးဖြင့် ၃၁ လုံးနှင့် ဒရုန်း ဖြင့် ဗုံးသီး ၂၁ လုံး ကြဲချ ပစ်ခတ်တိုက်ခိုက်ခဲ့ကြောင်း သိရသည်။
ပြီးခဲ့သည့် သြဂုတ်လ ၄ ရက်နေ့ကလည်း ကျောက်မဲမြို့ကို စစ်ကောင်စီတပ်က ဂျက်ဖိုက်တာဖြင့် ပေါင် ၅၀၀ ဗုံး ၁ လုံး ကြဲချတိုက်ခိုက်ခဲ့ရာ အမျိုးသမီး ၃ ဦး ထိခိုက်ဒဏ်ရာရရှိခဲ့ပြီး ဒေါ်ချောကိုယ်ပိုင် အထက်တန်းကျောင်း ၁ ကျောင်း ၊ ဆေးခန်း ၁ ခန်း၊ နေအိမ် ၃ အိမ်နှင့် ကား ၁ စီး တို့ ထိမှန် ပျက်စီး ခဲ့ကြောင်း သိရသည်။
ထိုကြောင့် မိဘပြည်သူများအနေဖြင့် စစ်ကောင်စီ၏ဗုံးကြဲတိုက်ခိုက်မှုများ ရှောင်ရှားနိုင်ရန် စစ်ရေး သတိအမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ်ရေး ဆိုင်ရာ နည်းလမ်းများ လိုက်နာဆောင်ရွက်ရန်လိုအပ်ပါကြောင်း TNLA သတင်းနှင့်ပြန်ကြားရေးဌာနက အသိပေးထားသည်။
Thanlwin Myanmar Media
