ကျောက်မဲမြို့ကို စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်မှု ပြည်သူ အမျိုးသား ၁ ဦး သေဆုံးပြီး ၅ ဦးဒဏ်ရာရ
သံလွင်မြန်မာသတင်း
ဇူလိုင်လ ၁၁
ရှမ်းပြည်နယ်မြောက်ပိုင်း၊ တအာင်းပြည်၊ တပ်မဟာ ၂ နယ်မြေ၊ ကျောက်မဲမြို့ကို စစ်ကောင်စီတပ်က
လေကြောင်းဖြင့် ဗုံးကြဲတိုက်ခိုက်ခဲ့ရာ ပြည်သူ အမျိုးသား ၁ ဦး သေဆုံးခဲ့ပြီး ၅ ဦး ထိခိုက် ဒဏ်ရာ ရရှိခဲ့ကြောင်း TNLA သတင်းနှင့်ပြန်ကြားရေးဌာနထံက သိရသည်။
ယနေ့ ဇူလိုင်လ ၁၁ ရက် နံနက် အစောပိုင်း ၃ နာရီခန့်က ကျောက်မဲမြို့ရဲစခန်း၊ ခရိုင်ရဲတပ်ဖွဲ့ရုံးနှင့် ကော်လီဟိုတယ် တို့ကို ပစ်မှတ်ထား၍ စစ်ကောင်စီတပ်က ဂျက်ဖိုက်တာဖြင့် ဗုံး ၃ လုံး ကြဲချတိုက် ခိုက်ခဲ့ရာ ပြည် သူ အမျိုးသား ၁ ဦး သေဆုံးခဲ့ပြီး အမျိုးသမီး ၁ ဦးနှင့် အမျိုးသား ၄ ဦး ထိခိုက်ဒဏ်ရာ ရရှိကာ နေအိမ် ၄ လုံး ထိမှန်ပျက်စီးခဲ့ကြောင်း သိရသည်။
အလားတူ ယမန်နေ့ကလည်း မိုးကုတ်မြို့၊ ပန်မထိပ်ကျေးရွာကို စစ်ကောင်စီတပ်က ဂျက်ဖိုက်တာ ဖြင့် ပေါင် ၂၅၀ ဗုံးသီး ၂ လုံး ကြဲချခဲ့ရာ ကလေးငယ် ၂ ဦး သေဆုံးခဲ့ပြီး ကလေးငယ် ၂ ဦး၊ အမျိုးသား ၂ ဦးနှင့် အမျိုးသမီး ၄ ဦးတိုထိခိုက်ဒဏ်ရာရရှိကာ နေအိမ် ၇ အိမ်လည်း ထိမှန်ပျက်စီးခဲ့ကြောင်း သိရသည်။
၂ ပတ်အတွင်း ကျောက်မဲမြို့ကို (၄)ကြိမ် ၊ နောင်ချိုနယ်နယ်၌ သုံးဆယ်ကျေးရွာတွင် (၁)ကြိမ်၊ မိုး ကုတ်မြို့တွင် (၁)ကြိမ်နှင့် သီပေါမြိုတွင် (၁)ကြိမ် စုစုပေါင်း (၇)ကြိမ် စစ်ကောင်စီတပ်က လေ ကြောင်းဖြင့် ဗုံးကြဲတိုက်ခိုက်ခဲ့ကြောင်း၊ ထိုသို့ ဗုံးကြဲတိုက်ခိုက်မှုကြောင့် ကလေးငယ်အပါအဝင် ပြည်သူလူထု ၆ ဦး သေဆုံးခဲ့ရပြီး ကလေးငယ် ၂ ဦးအပါအဝင် ၃၀ ဦး ထိခိုက်ဒဏ်ရာရရှိခဲ့ကာ နေ အိမ် အလုံး ၅၀ ၊ စာသင်ကျောင်း (၁) ကျောင်း၊ ဘုန်းကြီးကျောင်း (၄)ကျောင်း ထိခိုက်ပျက်စီး ခဲ့ကြောင်း သိရသည်။
ထိုကြောင့် မိဘပြည်သူများအနေဖြင့် စစ်ကောင်စီတပ်၏ တိုက်ခိုက်မှုများမှ ရှောင်ရှားနိုင်ရန် စစ်ရေး သတိအမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ်ရေး ဆိုင်ရာ နည်းလမ်းများလိုက်နာဆောင်ရွက်ရန်လိုအပ်ပါကြောင်း TNLA သတင်းနှင့်ပြန်ကြားရေးဌာနက အသိပေးထားသည်။
Thanlwin Myanmar Media
