တောင်သာမြို့မှ လစာထုပ်ပြီးအိမ်စီးကားဖြင့် ထွက်လာသော ရဲများကို အနီးကပ် ပစ်ခတ် တိုက်ခိုက်မှု ရဲ ၃ ဦးသေဆုံး
D Day News
ဧပြီလ ၆
မန္တလေးတိုင်း၊ တောင်သာမြို့မှ လစာထုတ်ပြီး အိမ်စီးကားဖြင့် ထွက်လာသော ရဲများကို အနီးကပ် ပစ်ခတ်တိုက်ခိုက်ခဲ့ရာ ရဲ ၃ ဦးသေဆုံးခဲ့ကြောင်း တောင်သာမြို့နယ် ပြည်သူ့ကာကွယ်ရေးအဖွဲ့ – TTA PDF ထံမှ သိရသည်။
မတ်လ ၃၁ ရက် နံနက် ၁၁ နာရီခန့်က တောင်သာမြို့မှ လစာထုတ်ပြီး ရုံးစည်ကြီးအထိုင်ရဲစခန်းသို့ ပေါင်မုန့်ကားအဖြူရောင်ဖြင့် ထွက်လာသော အကြမ်းဖက်စစ်တပ် လက်အောက်ခံ ရဲ ၄ ဦးကို တောင်သာမြို့နှင့် ရုံးစည်ကြီးကျေးရွာကြားတနေရာ အနီးကပ်ချုံခိုတိုက်ခိုက်ခဲ့ရာ ကားပေါ်ပါ ရဲ ၃ ဦး သေဆုံးပြီး ၁ ဦးအပြင်းအထန်ဒဏ်ရာရရှိခဲ့ကြောင်း သိရသည်။
ထိုသို့ တိုက်ခိုက်ခံရပြီးနောက် တောင်သာမြို့မှ အကြမ်းဖက်စစ်တပ်က ကား ၃ စီးဖြင့် အင်အား ၅၀ ခန့် ရောက်ရှိလာပြီး လူမနေသည့် တောတဲတစ်လုံးကို ၄၀ မမဖြင့် ပစ်ခတ်ကာ မီးရှို့ခဲ့ကြောင်း သိရ သည်။
အဆိုပါ တိုက်ခိုက်မှုကို တောင်သာမြို့နယ် ပြည်သူ့ကာကွယ်ရေးအဖွဲ့ (ပကဖ) နှင့် တောင်သာမြို့ နယ် ပြည်သူ့လုံခြုံရေးအဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင် များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
