သံဖြူဇရပ်မြို့အဝင်ဂိတ်နှင့် အနင်းရဲစခန်းကို ဗုံးကြဲပစ်ခတ်တိုက်ခိုက်မှု စစ်သား ၃ ဦးသေဆုံး
D Day News
မတ်လ ၃၀
မွန်ပြည်နယ်၊ သံဖြူဇရပ်မြို့နယ်၊ သံဖြူဇရပ်မြို့အဝင်ရှိ စစ်တပ်ဂိတ်နှင့် အနင်းရဲစခန်းကို ဗုံးကြဲ ပစ်ခတ်တိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးခဲ့ကြောင်း တောင်ညိုစစ်ကြောင်းထံမှ သိရ သည်။
မတ်လ ၂၈ ရက်မွန်းတည့် ၁၂ နာရီခန့်က သံဖြူဇရပ်မြို့အဝင် သက္ကော့လမ်းဝရှိ အကြမ်းဖက်စစ်တပ် ဂိတ်ကို တော်လှန် ရေးပူးပေါင်းတပ်ဖွဲ့မှ ဝင်ရောက်ပစ်ခတ်တိုက်ခိုက်ခဲ့ရာ အကြမ်းဖက်စစ်သား ၂ ဦး သေဆုံးပြီး ၃ ဦး အပြင်း အထန်ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို တောင်ညိစစ်ကြောင်း KNLA+PDF ပူးပေါင်းတပ်ဖွဲ့ဖြစ်သည့် တောင်ညို တပ်ခွဲ ၁ ၊ တပ်ခွဲ ၃ နှင့် MNLA ခွဲထွက် ပူးပေါင်းအဖွဲ့တို့မှ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင် များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။
အလားတူ မတ်လ ၁၈ ရက် နံနက် ၁၁ နာရီခန့်က သံဖြူဇရပ်မြို့နယ် ၊ အနင်းကျေးရွာရှိ အနင်း ရဲစခန်းကို ဒရုန်းဖြင့် ဗုံးကြဲချခြင်း၊ အနီးကပ်လက်နက်ငယ်များဖြင့် ပစ်ခတ်ခြင်း တို့ဖြင့် အလစ် အငိုက် ဝင်ရောက်တိုက်ခိုက်ခဲ့ရာ မိနစ် အနည်းငယ်ခန့် အပြန်အလှန် ပစ်ခတ်တိုက်ပွဲဖြစ်ပြီး စစ် ကောင်စီ တပ်ဖွဲ့ဝင် ၁ ဦးသေဆုံးကာ ၃ ဦးဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ကရင်အမျိုးသားလွတ်မြောက်ရေးတပ်မတော် KNLA နှင့် တောင်ညို စစ် ကြောင်းတို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးပူးပေါင်းတပ်ဖွဲ့ဝင်များ အထိ အခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
