ထားဝယ်မြို့နယ်၊ ပကာရီ ရဲစခန်းအနီး ဆက်ကြေးကောက်နေသော စစ်သား ၁ ဦး စနိုက်ပါဖြင့် ပစ် ခတ်ခံရပြီး သေဆုံး
သံလွင်မြန်မာသတင်း
ဇန်နဝါရီလ ၂၄
တနင်္သာရီတိုင်း၊ ထားဝယ်မြို့နယ်၊ ပကာရီရဲစခန်းရှေ့တွင် ဆက်ကြေးကောက်နေသာ စစ်သား ၁ ဦး ကို စနိုက်ပါဖြင့် ပစ်ခတ်ခဲ့ရာ နေရာမှာပင်ပွဲချင်းပြီး သေဆုံးသွားကြောင်း ရေဖြူမြို့နယ်ပြည်သူ့ကာ ကွယ်ရေးတပ်ဖွဲ့ – YPPDF ထံမှ သိရသည်။
ယနေ့ ဇန်ဝါရီလ ၂၄ ရက် မွန်းတည့် ၁၂ နာရီ ၃၀ မိနစ်က ထားဝယ်မြို့နယ်၊ ပကာရီ ရဲစခန်းအနီး လမ်းမပေါ်တွင် ခရီးသွားပြည်သူများထံက ဆက်ကြေးကောက်နေသော အကြမ်းဖက်စစ်သားများ ၁ ဦးကို စနိုက်ပါဖြင့် ပစ်ခတ်တိုက်ခိုက်ချေမှုန်းခဲ့ရာ တည့်တည့်ထိမှန်လဲကျသေဆုံးသွားကြောင်း သိရ သည်။
အဆိုပါ တိုက်ခိုက်မှုကို ရေဖြူမြို့နယ်ပြည်သူ့ကာကွယ်ရေးတပ်ဖွဲ့ ၊ ဒူရကစစ်ကြောင်းရဲဘော်များက သွားရောက်ပစ်ခတ်တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့များအားလုံး အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
တစ်နိုင်ငံလုံးအတိုင်းအတာဖြင့် စစ်ရေးများအား အရှိန်အဟုန်တိုးမြင့်စွာ ဆောင်ရွက်နေသည့်အချိန် ဖြစ်သောကြောင့် မိဘပြည်သူများအနေဖြင့် စစ်ရေးအထူး သတိ ၊ သတိပြု သွားလာနေထိုင်ကြရန် တိုက်တွန်းထားသည်။
တော်လှန်ရေးနှင့် စစ်ရေးအရှိန် မြင့်လာသည်နှင့်အမျှ ပြည်သူ့ဘက်၊ အမှန်တရားဘက် ရပ်တည်လို သော အကြမ်းဖက် စစ်ကောင်စီတပ်မှ စစ်သည်တော်များ၊ ရဲတပ်ဖွဲ့ဝင်များကို ပြည်သူ့ရင်ခွင် ခိုလှုံ၍ အမြန်ဆုံး ပူးပေါင်းပေးကြပါရန် ဆက်လက်၍ တိုက်တွန်းဖိတ်ခေါ်ထားသည်။
Thanlwin Myanmar Media
