သံလွင်မြန်မာသတင်း
ဩဂုတ်လ ၁၁
တနင်္သာရီတိုင်း၊ တနင်္သာရီမြို့နယ်တွင် လက်နက်ရိက္ခာတင်စစ်ယာဉ်တန်းကို တိုက်ခိုက်ခဲ့ရာ စစ်သား ၅ ဦး သေဆုံးပြီး ကား ၂ စီးပျက်စီးခဲ့ကြောင်း KNU – မြိတ်-ထားဝယ်ခရိုင်သတင်းနှင့်ပြန်ကြားရေးဌာန ထံက သိရသည်။
ဩဂုတ်လ ၉ ရက်နေ့က တနင်္သာရီမြို့နယ်၊ မောတောင်ဒေသအား ပြန်လည်ထိန်းချုပ်နိုင်ရေးအတွက် ထိုးစစ်ဆင်နေသော စစ်ကောင်စီတပ်သားများထံသို့ ရိက္ခာနှင့်လက်နက်ခဲယမ်းများ လာရောက်ပို့ ဆောင်သည့် စစ်ယာဉ်တန်းကို တနင်္သာရီမြို့နယ်၊ သိန်းခွန်းကျေးရွာနှင့် ချောင်းနှစ်ပေါက်ကျေးရွာ ကြား၌ ဖြတ်တောက်တိုက်ခိုက်ခဲ့ကြောင်း သိရသည်။
ယင်းတိုက်ပွဲအတွင်း စစ်သား ၅ ဦး သေဆုံးကာ ၁၀ ဦးထက်မနည်းဒဏ်ရာရရှိခဲ့ပြီး အကြမ်းဖက် စစ် ကောင်စီတပ်၏ ထောက်ပို့ ယာဉ် ၂ စီး ပျက်စီးလည်းခဲ့ကြောင်း၊ တိမ်းမောက်ပျက်စီးသွားသော စစ် ကောင်စီ၏ ယာဉ်အတွင်းမှ ပျက်စီးနေသော ကာမီကာဇေ အသေခံဒရုန်း ၂ စီး အပါဝင်အဝင် လက် နက်ငယ်အချို့ကို သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို K.N.L.A ကရင်အမျိုးသားလွတ်မြောက်ရေးတပ်မတော် တပ်ရင်း ၁၁ နှင့် တော်လှန်ရေးပူးပေါင်းတပ်များက တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
