သရက်ချောင်းမြို့နယ်၊ ပြင်းဖြူသား ဘုန်းကြီးကျောင်း၌ တပ်စွဲထားသော စစ်သားများ ရေချိုးနေစဉ် ဒရုန်းဖြင့် ဗုံးကျဲတိုက်ခိုက်မှု စစ်သား ၁ ဦးသေဆုံး
သံလွင်မြန်မာသတင်း
ဇွန်လ ၁၄
တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ်၊ ပြင်းဖြူသား ဘုန်းကြီးကျောင်း၌ တပ်စွဲထား သော စစ်သားများရေချိုးနေစဉ် ဒရုန်းဖြင့် ဗုံးကျဲတိုက်ခိုက်ခဲ့ရာ စစ်သား ၁ ဦးသေဆုံးခဲ့ကြောင်း ဒေါင်းညီနောင်ဒရုန်းတပ်ဖွဲ့ထံမှ သိရသည်။
ဧပြီလ ၂၉ ရက်နေ့က သရက်ချောင်းမြို့နယ်၊ ဝင်းဝစခန်းကို အင်အားဖြည့်ရန်အတွက် ထွက်လာ သော အကြမ်းဖက်စစ်သား ၇၀ ခန့်သည် ပြင်းဖြူသားဘုန်းကြီးကျောင်းသို့ရောက်ရှိချိန် ခေတ္တစခန်း ချရပ်နားခဲ့ကြောင်း သိရသည်။
ထိုသို့ ယာယီတပ်စွဲနေသော စစ်သားများအနက် ရေချိုးနေသည့် စစ်သားများကို ဒရုန်းဖြင့် ဗုံးကြဲ တိုက်ခိုက်ခဲ့ရာ စစ်သား ၁ ဦးသေဆုံးပြီး ၄ ဦးအပြင်းအထန် ဒဏ်ရာရရှိခဲ့ကြောင်း၊ ထို့အပြင် စစ်သား များ အသုံးပြုသော စစ်အသုံးအဆောင်ပစ္စည်းများကိုလည်း သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို အမှတ် (၁၈၁၄) ဒရုန်းတပ်ရင်း- (DS -TNI) ၊ T5 Wings နှင့် ဒေါင်းညီနောင် ဒရုန်း တပ်ဖွဲ့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
