ရေဖြူမြို့နယ်၊ ဆင်စွယ်ကျေးရွာမှ လှည့်ကင်းထွက်လာသော စစ်သားများကို တိုက်ခိုက်မှု စစ်သား ၆ ဦး သေဆုံး
သံလွင်မြန်မာသတင်း
ဇွန်လ ၅
တနင်္သာရီတိုင်း၊ ရေဖြူမြို့နယ်၊ မင်းသားကျေးရွာအုပ်စု၊ ဆင်စွယ်ကျေးရွာအတွင်းမှ လှည့်ကင်းထွက် လာသော စစ်တပ်စစ်ကြောင်းကို တိုက်ခိုက်ခဲ့ရာ စစ်သား ၆ ဦးသေဆုံးခဲ့ကြောင်း Launglone Peninsula Force – LPF ထံမှ သိရသည်။
ဇွန်လ ၂ ရက် နံနက် ၈ နာရီခန့်က ရေဖြူမြို့နယ်၊ မင်းသားကျေးရွာအုပ်စု၊ ဆင်စွယ်ကျေးရွာအတွင်း တပ်စွဲထားသော စစ်ကောင်စီတပ်သားများကို တော်လှန်ရေးတပ်ဖွဲ့ဝင်များက သွားရောက်တိုက်ခိုက် စဉ် ဆင်စွယ်ကျေးရွာအတွင်းမှ လှည့်ကင်းထွက်လာသော စစ်ကောင်စီတပ်သား ၃၀ ခန့်နှင့် ထိပ် တိုက်တိုးပြီး လက်ဦးမှုရယူကာ ပစ်ခတ်တိုက်ခိုက်နိုင်ခဲ့ကြောင်း သိရသည်။
ထိုသို့ တိုက်ခိုက်မှုအတွင်း စစ်ကောင်စီတပ်သား ၆ ဦးထက်မနည်း သေဆုံးကာ ၁၃ ဦးခန့် ထိခိုက် ဒဏ်ရာရရှိပြီး ပြန်လည် ပစ်ခတ်နိုင်ခြင်းပင် မရှိပဲ ကစဉ့်ကလျား ထွက်ပြေးသွားကြောင်း သိရသည်။
အလားတူ ဆင်စွယ်ကျေးရွာအတွင်းရှိ စစ်ကောင်စီတပ်စခန်းကိုလည်း ၆၀ မမ လက်နက်ကြီး ၅ လုံး ဖြင့် ဆက်လက်တိုက်ခိုက်ခဲ့ရာ စစ်ကောင်စီတပ်သားများ ထိခိုက်သေဆုံးမှုရှိနိုင်ပြီး အသေးစိပ်သိရှိနိုင် ရန် စုံစမ်းနေဆဲဖြစ်ကြောင်း သိရသည်။
“စခသေဆုံးထိခိုက်မှုက ထပ်တိုးဖို့က များတယ်၊ အတိအကျတော့ မသိရသေးဘူး။ စုံစမ်းနေတုန်းပါ၊ လက်ရှိရွာထဲမှာလည်း စခတွေဆက်ရှိ၊ မရှိလည်း သိရဖို့စုံစမ်းနေတယ်။ အဆက်အသွယ်မရသေးဘူး။ ဘယ်ကနေလာတပ်စွဲတာလဲဆိုတော့ မောရဝတီရေတပ်က ဖြစ်ဖို့များတယ်။” ဟု Launglone Peninsula Force – LPF မှ တာဝန်ရှိသူတစ်ဦးက ပြောကြားသည်။
အဆိုပါ စစ်ဆင်ရေးကို ဒေါနစစ်ကြောင်း ၃ ဒေါနတပ်ခွဲ ၇ -LPF ၊ ဒေါနတပ်ခွဲ ၄ -KBDF၊ ဒေါန စစ် ကြောင်း ၂ – YGF ၊ MSRF ၊ NMSP (AD)RMA နှင့် Nonentity Coach လေ့ကျင့်ရေးတပ်ဖွဲ့တို့ ပူး ပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာ နိုင်ခဲ့ကြောင်း သိရသည်။
Thanlwin Myanmar Media
