ခမောက်ကြီးမြို့နယ်၊ မလိဝမ်းကျေးရွာ အုပ်ချုပ်ရေးမှူးရုံးတွင် ပျူစောထီးအချင်းချင်းရန်ဖြစ်ပြီး စကေဘာနဲ့ထိုးသတ်မှု ပျူစောထီး ၁ ဦးသေဆုံး
သံလွင်မြန်မာသတင်း
မေလ ၂၅
တနင်္သာရီတိုင်း၊ ကော့သောင်းခရိုင်၊ ခမောက်ကြီးမြို့နယ်၊ မလိဝမ်းကျေးရွာ အုပ်ချုပ်ရေးမှူးရုံးတွင် ပျူစောထီးအချင်းချင်း စကားများရန်ဖြစ်ပြီး စကေဘာဖြင့် ထိုးသတ်ရာ ပျူစောထီး ၁ ဦးသေဆုံးသွား ကြောင်း ဒေသနေ ပြည်သူများထံက သိရသည်။
မေလ ၂၂ ရက် ညပိုင်းက ခမောက်ကြီးမြို့နယ်၊ မလိဝမ်းကျေးရွာ အုပ်ချုပ်ရေးမှူးရုံးတွင် ပျူစောထီး အဖွဲ့ဝင်များ အစည်းအဝေးပြုလုပ်နေစဉ် ပျူစောထီး အချင်းချင်း စကားများ ရန်ဖြစ်ပြီး ကုလားဆို သည့် ပျူစောထီးမှ ပရှုးဆိုသည့် ပျူစောထီးကို စကေဘာဖြင့် ၆ ချက် ထိုးသတ်ရာနေရာမှာပင်သေ ဆုံးသွားကြောင်း သိရသည်။
“၂၂ ရက်နေ့ကည မလိဝမ်းက ပျူစောထီးတွေ မလိဝမ်းအုပ်ချုပ်ရေးမှူးရုံးမှာ စကားများရန်ဖြစ်ကြ တယ်၊ ဘာအတွက်ကြောင့်စကားများရန်ဖြစ်တာလဲတော့မပြောတတ်ဘူး။ စကားများရန်ဖြစ်တဲ့ အချိန်မှာ ကုလားဆိုတဲ့ သူက ပရှူးဆိုတဲ့သူကို စကေဘာနဲထိုးတာ၊ မလိဝမ်းသားတွေပဲ၊ နာမည် အရင်း တော့မသိဘူး။ ရွာထဲခေါ်တဲ့နာမည်တွေပေါ့၊ စကေဘာနဲ့ ၆ ချက်ထိုးတာ၊ နေရာမှာပဲ သေ သွားတယ်၊ အခုစကေဘာနဲ့ထိုးတဲ့ ကုလားကိုတော့ ဖမ်းထားတယ်၊ ပျူစောထီးတွေအချင်းချင်းပဲ၊ ရန်ဖြစ်ပြီးတော့ သတ်လိုက်တာ၊” ဟု ဒေသနေပြည်သူတစ်ဦးက ပြောကြားသည်။
Thanlwin Myanmar Media
