မိုးမိတ်မြို့နယ်တွင် TNLA နှင့် SSPP/SSA တပ်ဖွဲ့တို့ကြား တိုက်ပွဲဖြစ်ပြီး TNLA တပ်ဖွဲ့ဝင် ၂ ဦးကျဆုံး
သံလွင်မြန်မာသတင်း
ဇွန်လ ၂၄
ရှမ်းပြည်နယ်မြောက်ပိုင်း၊ တအာင်းပြည်၊ မိုးမိတ်မြို့နယ်တွင် TNLA တပ်ဖွဲ့နှင့် SSPP/SSA တပ်ဖွဲ့တို့ ကြား တိုက်ပွဲဖြစ်ပြီး TNLA တပ်ဖွဲ့ဝင် ၂ ဦးကျဆုံးခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန်သည်။
ယမန်နေ့ ဇွန်လ ၂၃ ရက် နံနက် ၁၀ နာရီ ၁၄ မိနစ်က တစ်ကြိမ်၊ ၁၁ နာရီ ၃၆ မိနစ်တွင် တစ်ကြိမ် တအာင်းပြည်၊ တပ်မဟာ ၄ နယ်မြေ၊ မိုးမိတ် မြို့နယ်၊ မိုးဟောက်ကျေးရွာအုပ်စုအတွင်း တအာင်း တပ်မ တော်-TNLA စစ် ကြောင်းထွက်ကင်းလှည့် နေစဉ် ရှမ်းပြည်တိုးတက်ရေးပါတီ-SSPP/SSA တပ်ဖွဲ့မှ လက်နက်ငယ်ဖြင့် ခြုံခိုပစ်ခတ်တိုက်ခိုက်ခဲ့ကြောင်း သိရသည်။
ထိုအပြင် မွန်းတည့် ၁၂ နာရီ ၃ မိနစ်တွင်လည်း တအာင်းတပ်မတော်-TNLA စစ်ကြောင်းတည်ရှိရာ ကို လက်နက် ကြီး တစ်လုံး ထပ်မံ ပစ်ခတ်တိုက်ခိုက်ခဲ့သည်ဟု ဆိုသည်။
ပြီးခဲ့သည့် ဇွန်လ ၁၅ ရက်နေ့ကလည်း TNLA တပ်ဖွဲ့၏ တပ်စခန်းတစ်ခုဖြစ်သော ဟူးဆွန်တောင် စခန်းတွင် တအာင်းတပ်မတော် -TNLA ၏ တပ်သားလှစ်ဟာနေချိန် အခွင့်ကောင်းယူပြီး ရှမ်းပြည် တိုး တက်ရေးပါတီ-SSPP/SSA တပ်ဖွဲ့က နေရာဝင်ယူခဲ့သောကြောင့် တအာင်းတပ်မတော်-TNLA တပ်ဖွဲ့မှ စခန်းသို့ တက်လာစဉ် SSPP/SSAတပ်ဖွဲ့က တစ်ဖက်သတ်ပစ်ခတ်တိုက်ခိုက်ခဲ့ရာ TNLA တပ်ဖွဲ့ဝင် ၂ ဦး ကျဆုံးခဲ့ပြီး ၃ ဦး ထိခိုက်ဒဏ်ရာရရှိခဲ့ကြောင်း သိရသည်။
Thanlwin Myanmar Media
