ဆိပ်ဖြူ -ပေါက်လမ်းပေါ် မိုင်းကွင်းပေါ်တည့် တည့် မနက်စာရင်ပြင်ဆင်နေသည့် စစ်သားများ မိုင်းဆွဲတိုက်ခိုက်ခံရပြီး အရာရှိ ၁ ဦးအပါအဝင် ၁၀ ဦးသေဆုံး
D Day News
ဩဂုတ်လ ၆
အလားတူ မကွေးတိုင်း ဆိပ်ဖြူမြို့နယ်၊ ဆိပ်ဖြူ-ပေါက်လမ်းမပေါ် ချတောက်ရွာထိပ်တွင် ထမင်းစား ရန်ပြင် ဆင်နေသော အကြမ်းဖက်စစ်သားများကို မိုင်းဆွဲတိုက်ခိုက်ခဲ့ရာ အရာရှိတစ်ဦးအပါအဝင် ၁၀ ဦး သေဆုံးခဲ့ကြောင်း ဆိပ်ဖြူမြောက်ပိုင်း ပြည်သူ့ကာကွယ်ရေးတပ်ဖွဲ့ထံမှ သိရသည်။
ဩဂုတ်လ ၃ ရက် နံနက် ၈ နာရီခန့်က ဆိပ်ဖြူမြို့နယ်၊ ထမ္မခေါက်ကျေးရွာ စစ်တပ်အထိုင်တပ် စခန်းမှ စစ် သား ၂၀ ခန့်သည် ဆိပ်ဖြူ-ပေါက် လမ်းမပေါ်သို့ လုံခြုံရေးယူရန် ရှေ့ကင်းထွက်လာပြီး ပုံမှန်ရပ် နား နေကျ ချတောက်ရွာထိပ် တစ်နေရာအရောက် အသင့်ကြိုထောင်ထားသော မိုင်းကွင်း၌ ရပ်နား၍ နံနက်စာ စားရန်ပြင်ဆင်နေစဉ် မိုင်းဆွဲတိုက်ခိုက်ခဲ့ရာ စစ်တပ်အရာရှိ ၁ ဦး အပါအဝင် ၁၀ ဦးသေဆုံး ပြီး ၄ ဦးမှာ ခြေပြတ်လက်ပြတ် အပြင်းအထန်ဒဏ်ရာရရှိခဲ့ကြောင်း သိရသည်။
“သူတို့က ကပစ လာတဲ့ကားတွေကို လမ်းကင်းယူပေးတယ်၊ ခရီးသွားကားတွေကိုလည်း စစ်ဆေးပြီး ဆက်ကြေးကောက်တယ်။ ပုံမှန်လုပ်နေကြဆိုတော့ ကျနော်တို့က ကြိုတင်ပြီး မိုင်းထောင်ထားခဲ့တာ၊ ရောက်လာပြီး မိုင်းကွင်းပေါ်ကို ငုတ်တုတ်ထိုင်ပြီး မနက်စာ စားဖို့ပြင်နေတဲ့အချိန်မှာ မိုင်းခွဲ လိုက် တာ၊ အရာရှိက ဒုဗိုလ် လို့တော့ သိရတယ်။ ခြေပြတ်လက်ပြတ်ဖြစ်သွားတဲ့ ၄ ဦးကိုတော့ အဲဒီနား ရွာထဲက ဘုန်ကြီးကျောင်းထဲက ကားနဲ့ ဆိပ်ဖြူဆေးရုံကိုသယ်သွားတယ်၊ ဆိပ်ဖြူဆေးရုံက မရတော့ မိတ္ထီလာဆေးရုံကို သယ်သွားတယ်လို့ သတင်းရထားပါတယ်” ဟု ဆိပ်ဖြူမြောက်ပိုင်း ပြည်သူ့ကာ ကွယ်ရေးတပ်ဖွဲ့မှ တာဝန်ခံ ကိုသူရိန်က ပြောကြားသည်။
အဆိုပါ တိုက်ခိုက်မှုကို ဆိပ်ဖြူမြောက်ပိုင်းပြည်သူ့ကာကွယ်ရေးတပ်ဖွဲ့ NSP (ပကဖ)၊ ဆိပ်ဖြူမြို့ နယ် ပကဖ နှင့် ပခုက္ကူခရိုင် အမှတ် ၄ တပ်ရင်း ၊ တပ်ခွဲ ၃ NSP တို့ ပူးပေါင်းကာ တိုက်ခိုက်ခဲ့ခြင်း ဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရ သည်။
D Day News
