ဆားလင်းကြီးမြို့၊ ဘုံကိုးဆင့် ဘုန်းကြီးကျောင်းအတွင်း ခြင်းခတ်နေသော စစ်သားများကို ပစ်ခတ် တိုက်ခိုက်မှု ၄ ဦးသေဆုံး (ရုပ်သံ)
D Day News
မေလ ၆
စစ်ကိုင်းတိုင်း၊ ဆားလင်းကြီးမြို့ပေါ်ရှိ ဘုံကိုးဆင့်ဘုန်းကြီးကျောင်း၌ တပ်စွဲထားသော အကြမ်းဖက် စစ်သားများ ခြင်းခတ်နေစဉ် ဝင်ရောက်ပစ်ခတ်တိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း Monywa Youth Attack Force ထံမှ သိရသည်။
https://youtu.be/Z5DpTm4rTLk
မေလ ၃ ရက်နေ့က ဆားလင်းကြီးမြို့၊ ဘုံကိုးဆင့်ဘုန်းကြီးကျောင်း၌ တပ်စွဲထားသော အကြမ်းဖက် စစ်သားများ ခြင်းခတ်နေစဉ် ပြည်သူ့ကာကွယ်ရေးပူးပေါင်းတပ်ဖွဲ့မှ လက်နက်ငယ်များဖြင့် အလစ် အငိုက် ဝင်ရောက်ပစ်ခတ်တိုက်ခိုက်ခဲ့ရာ အကြမ်းဖက်စစ်သား ၄ ဦးနေရာမှာပင်ပွဲချင်းပြီးသေဆုံးပြီး ၅ ဦးအပြင်းအထန် ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်တပ်ရင်း ၁၇ ၊ မုံရွာခရိုင်တပ်ရင်း ၁၇ တပ်ခွဲ ၃ Monywa Youth Attack Force နှင့် Monywa Underground တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ ကာ ကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
