စလင်းမြို့နယ်၊ ကုန်းကြားရွာအနီးတွင် တိုက်ပွဲဖြစ်ပြီး စစ်သားအများအပြား ဒဏ်ရာရ (ရုပ်သံ)
D Day News
မေလ ၂၅
မကွေးတိုင်း၊ စလင်းမြို့နယ်၊ ကုန်းကြားရွာကို စစ်ကြောင်းထိုးလာသော အကြမ်းဖက်စစ်သားများကို ပစ်ခတ်တိုက်ခိုက်ခဲ့ရာ စစ်သားအများအပြား ဒဏ်ရာရရှိခဲ့ကြောင်း မင်းဘူးခရိုင်အမှတ် ၁ တပ်ရင်းထံ မှ သိရသည်။
မေလ ၂၄ ရက် နံနက်ပိုင်းက အင်အား ၈၀ ခန့်ဖြင့် စလင်းမြို့နယ်၊ ကုန်းကြားရွာကို စစ်ကြောင်းထိုး လာသော အကြမ်းဖက်စစ်ကောင်စီတပ်သားများကို ပြည်သူ့ကာကွယ်ရေးပူးပေါင်းတပ်ဖွဲ့မှ ကြား ဖြတ်တိုက်ခိုက်ခဲ့ရာ စစ်သား အများအပြား ထိခိုက်ဒဏ်ရာရရှိပြီး ပြန်လည် ဆုတ်ခွာသွားကြောင်း သိရသည်။
https://youtu.be/UEOZF_VbGDE
“သေမသေကတော့ မသိရသေးဘူးဗျ။ ဒဏ်ရာရတာတွေတော့များတယ်။ ပကစ ၂၁ ထဲကန ကားနဲ့ ထွက်လာတင်ပြီး ချက်ချင်း ဆုတ်သွားတာ။ ထွက်လာတုန်းကလည်း ကပစ ၂၁ ကထဲနေပဲ ထွက် လာတာ၊ ကျနော်တို့ရဲဘော် တွေအားလုံးဘေးကင်းပါတယ်” ဟု မင်းဘူးခရိုင်အမှတ် ၁ တပ်ရင်းမှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို မင်းဘူးခရိုင် အမှတ် ၁ တပ်ရင်း ၊ မိုးကြိုးပြောက်ကျား တပ်ရင်း ၁၀၁ နှင့် စလင်း (ပကဖ) တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
