မုံရွာ-အရာတော် လမ်းပိုင်းတွင် စစ်ကြောင်းနှင့် ယာဉ်တန်းကို ၃ ကြိမ် တိုက်ခိုက်မှု စစ်သား အများ အပြားသေဆုံး (ရုပ်သံ)
D Day News
စက်တင်ဘာလ ၁၈
စစ်ကိုင်းတိုင်း၊ မုံရွာ-အရာတော် လမ်းပိုင်းကို စစ်ကြောင်းနှင့် စစ်ယာဉ်တန်းကို ၃ ကြိမ် တိုက်ခိုက်ခဲ့ ရာ အကြမ်းဖက်စစ်သားများ ထိခိုက်သေဆုံးမှု များပြားခဲ့ကြောင်း မုံရွာမြို့နယ် ပြည်သူ့ကာကွယ်ရေး အဖွဲ့ထံမှ သိရသည်။
စက်တင်ဘာလ ၄ ရက်နေ့မှ ၉ ရက်နေ့ထိ မုံရွာ-အရာတော် လမ်းပိုင်းအတွင်း စစ်ကြောင်းထိုး အထိုင် ချ တပ်စွဲထားသော အကြမ်းဖက် စစ်ကောင်စီ တပ်သားများနှင့် ယာဉ်တန်းကို ရာသီဥတု အခက်အခဲ များကြားက တော်လှန်ရေး တပ်ဖွဲ့များပူးပေါင်းပြီး ရက်ရှည်ကင်းပုန်းဝပ်၍ ပြောက်ကြား တိုက်ခိုက်မှု ၃ ကြိမ် ပြုလုပ်ခဲ့ကြောင်း သိရသည်။
https://youtu.be/RsykCW8Md8g
ယင်း တိုက်ခိုက်မှု အတွင်း အကြမ်းဖက် စစ်တပ်ဘက်မှ ထိခိုက်ကျဆုံးမှုများ ပြားသော်လည်း အရေ အတွက်အတိအကျ သိရှိရခြင်းမရှိပဲ တော်လှန်ရေးတပ်ဖွဲ့ဝင် ရဲဘော် ၁ ဦး ထိခိုက်ဒါဏ်ရာ (မစိုးရိမ် ရ) ရရှိခဲ့ကြောင်း သိရသည်။
အဆိုပါ တိုက်ခိုက်မှုကို မုံရွာမြို့နယ် ပကဖ၊ မုံရွာမြို့နယ် ပလဖ၊ မုံရွာခရိုင် အမှတ် (၁) တပ်ရင်း တို့မှ ဦးဆောင်ပြီး တိုက်နယ် ပကဖ၊ရပ်ကျေးပကဖနှင့်အခြား Local မဟာမိတ် တော်လှန်ရေး အင်အား စုများက ပူးပေါင်း လုပ်ဆောင်ခဲ့ကြောင်း သိရသည်။
D Day News
