ယင်းမာပင်မြို့နယ်၊ ပုသိမ်- မုံရွာလမ်းပိုင်းတွင် စစ်တပ်စစ်ကြောင်းကို မိုင်းဆွဲတိုက်ခိုက်မှု စစ်သား ၄ ဦး သေဆုံး
သံလွင်မြန်မာသတင်း
ဇွန်လ ၂၀
စစ်ကိုင်းတိုင်း၊ ယင်းမာပင်ခရိုင်၊ ယင်းမာမြို့နယ်အရှေ့ခြမ်း ပုသိမ် -မုံရွာလမ်းပိုင်းတွင် စစ်တပ် စစ် ကြောင်းကို မိုင်းဆွဲတိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း ယင်းမာပင်ခရိုင် ပကဖ ထံမှ သိရ သည်။
ယမန်နေ့ ဇွန်လ ၁၉ ရက် နေ့က ယင်းမာပင်မြို့နယ် အရှေ့ခြမ်း ပုသိမ်-မုံရွာလမ်းပိုင်းပေါ်သို့ အကြမ်း ဖက်စစ်တပ် လက်အောက်ခံ အမှတ် ၂၈ ရဲတပ်ရင်းမှ ရဲများနှင့် အနောက်မြောက်တိုင်း စစ် ဌာနချုပ်- နမခမှ စစ်သားများ ပူးပေါင်းထားသော အင်အား ၅၀ ခန့်ပါ စစ်ကြောင်းကို ပုသိမ် -မုံရွာလမ်းမပေါ် တနေရာတွင် အသင့်ပြင်ဆင်ထားသော မိုင်းများဖြင့် မိုင်းဆွဲတိုက်ခိုက်ခဲ့ကြောင်း သိရသည်။
ထိုသို့ မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၄ ဦး သေဆုံးပြီး စစ်ကောင်စီတပ်သားများက အနီးအနားရှိ ကျေးရွားများအတွင်းသို့ လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ခဲ့ ကြောင်း သိရသည်။
အဆိုပါ တိုက်ခိုက်မှုကို ယင်းမာပင်မြို့နယ် တိုက်နယ် ၂ ပြည်သူ့ကာကွယ်ရေးတပ်ဖွဲ့ မဲမှောင်ပျောက် ကြားတပ်ဖွဲ့မှ ရဲဘော်များက လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေးအဖွဲ့-ပကဖ ရဲဘော်များ အနေဖြင့် ထိန်းချုပ်နယ်မြေများကို ကာကွယ်ရန် ကြိုးစားထမ်းဆောင်လျက်ရှိကြောင်း အသိပေး ထားသည်။
Thanlwin Myanmar Media
