တန့်ဆည်မြို့နယ်တွင် ကင်းလှည့် စစ်တပ်စစ်ကြောင်းကို ကြားဖြတ်တိုက်ခိုက်မှု အရာရှိ ၁ ဦး အပါ အဝင် ၈ ဦးသေဆုံး ၊လက်နက် ၂ လက်သိမ်းဆည်းရရှိ
သံလွင်မြန်မာသတင်း
ဇွန်လ ၃
စစ်ကိုင်းတိုင်း၊ တန့်ဆည်မြို့နယ်တွင် ကင်းလှည်ထွက်လာသည့် အကြမ်းဖက်စစ်တပ် စစ်ကြောင်းကို ကြား ဖြတ်တိုက်ခိုက်ခဲ့ရာ အရာရှိ ၁ ဦးအပါအဝင် စစ်သား၊ ပျူစောထီး ၈ ဦးသေဆုံးခဲ့ပြီး လက်နက် ၂ လက် သိမ်းဆည်းရရှိခဲ့ကြောင်း ပြည်သူ့လွတ်မြောက်ရေးတပ်မတော် – PLA ကထုတ်ပြန်သည်။
ယမန်နေ့ ဇွန်လ ၂ ရက်နံနက် ၅ နာရီ ၁၀ မိနစ်က တန့်ဆည်မြို့နယ် အက်တောကျေးရွာတွင် အထိုင်ချထားသော စစ်သား၊ ပျူစောထီးများသည် သဲကုန်းကျေးရွာဘက်သို့ ကင်းလှည့်ထွက်လာစဥ် ကြားဖြတ်တိုက်ခိုက်ခဲ့ရာ နှစ်ပွင့်ဗိုလ်အရာရှိ ၁ ဦးအပါအဝင် စစ်သား၊ ပျူစောထီး ၈ ဦး သေဆုံးကာ လက်နက် ၂ လက် သိမ်း ဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို တန့်ဆည်မြို့နယ် ပကဖ၊ တိုက်နယ် ၂ ပကဖ၊ ရေဦး ပကဖ နှင့် PLA (ပြည် သူ့လွတ်မြောက်ရေးတပ်မတော်) တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
