ချောင်းဦးမြို့နယ်၊ ငါန်းယှန်ကျေးရွာရှိ စစ်တပ် ဂိတ်စခန်းကို ဒရုန်းဖြင့် ဗုံးကျဲတိုက်ခိုက်မှု ဂိတ်စောင့် နေသည့် ပျူမိန်းကလေးများကြောက်လန့်ပြီး ကားဖြင့် ထွက်ပြေး (ရုပ်သံ)
သံလွင်မြန်မာသတင်း
ဇွန်လ ၁
စစ်ကိုင်းတိုင်း၊ ချောင်းဦးမြို့နယ်၊ ငါန်းယှန်ကျေးရွာရှိ စစ်တပ်ဂိတ်စခန်းကို ဒရုန်းဖြင့် ဗုံးကျဲတိုက်ခိုက် ခဲ့ရာ ဂိတ်စောင့်နေသော ပျူစောထီး မိန်းကလေးများ ကြောက်လန့်ပြီး ကားဖြင့်ထွက်ပြေးသွား ကြောင်း Peacock Drone Team – Myaung တပ်ဖွဲ့ထံမှ သိရသည်။
မေလ ၂၉ ရက် ညနေ ၃ နာရီ ၃၀ မိနစ်က ချောင်းဦးမြို့နယ် ၊ ငါးယှန်ကျေးရွာအတွင်း ဂိတ်ဖွင့်ကာ အထိုင်ချနေသော အကြမ်းဖက်စစ်သားများကို ဒရုန်းဖြင့် ဗုံးကျဲတိုက်ခိုက်ခဲ့ရာ ဂိတ်စခန်းအတွင်း ကျရောက်ပေါက်ကွဲပြီး စစ်သားများ ထိခိုက်သေဆုံးမှုရှိနိုင်သော်လည်း နယ်မြေအခြေအနေအရ အတိအကျ သိရှိနိုင်ရန် စုံစမ်းနေဆဲဖြစ်ကြောင်း သိရသည်။
ထိုသို့ တိုက်ခိုက်ခံရပြီး ယင်းဂိတ်စခန်း၌ တာဝန်ကျနေသော ပျူစောထီး မိန်းကလေးများသည် ကြောက်လန့်ပြီး သံပြားကာ ကားများဖြင့် မုံရွာမြို့သို့ ထွက်ပြေးသွားကြောင်း ၊ တိုက်ခိုက်ခံရပြီး နောက် ချောင်းဦးမြို့ပေါ်ရှိ အကြမ်းဖက်စစ်တပ်စခန်းမှ လက်နက်ကြီးများဖြင့် ရမ်းသမ်းပစ်ခတ်ခဲ့ ကြောင်း သိရသည်။
“သေဆုံးထိခိုက်မှုကတော့ စုံစမ်းလို့မရသေးပါဘူး။ ရွာထဲကို ပြည်သူတွေလည်း အဝင်၊အထွက် မရှိ တော့ဘူး။ ဒရုန်းနဲ့ချပြီး သိပ်မကြာတဲ့အချိန် အဲဒီစခန်းမှာ လာပြီး တာဝန်ချတဲ့ ပျူစောထီးတွေထဲက မိန်းကလေးတစ်ချို့ သံပြားကာ ကားနဲ့ ထွက်သွားတယ်လို့တော့ သိရပါတယ်၊” ဟု Peacock Drone Team – Myaung တပ်ဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို PEACOCK Drone Team ၊ ယင်းမာပင် ခရိုင် တပ်ရင်း ၃၅ တပ်ခွဲ ၂ GZ-21 ၊ ယင်းမာပင် ခရိုင် တပ်ရင်း ၁၇ B-21 ကနီ PDF ၊ NPDF ယင်းမာပင် ၊ M.D.F drone ကျားခင်စိန် ၊ အားမန်သစ် (ငါန်းဇွန်) ၊ Revolutionary Air Force (Myaung)၊ အောင်သပြေညီနောင် Local PDF (ကျောက်ဆည်) ၊ ဗိုလ်စာကလေး Drone Strike (ကျေးရွာတပ်ပေါင်းစုမြောင်) ၊ Freedom Fighter Drone Force F.F.D.F ၊ Farmer Revolution Force (FRF) မုံရွာခရိုင်အမှတ် ၈ ၊ ရေနဂါးပြည်သူကာ ကွယ်ရေးတပ်တော်(လင်းယုန်ကြီး) နှင့် Hawk Guerrila Force တပ်ဖွဲ့တို့ ပူပေါင်းကာ တိုက်ခိုက် ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
