ချောင်းဦးမြို့နယ်၊ မှန်ချိုကျေးရွာကို စစ်တပ်က လက်နက်ကြီးဖြင့် ပစ်ခတ်တိုက်ခိုက်မှုနေအိမ် ၁ လုံး ပျက်စီး၊ ကျေးရွာနေပြည်သူများ ထွက်ပြေးတိမ်းရှောင်နေရ
သံလွင်မြန်မာသတင်း
မေလ ၂၀
စစ်ကိုင်းတိုင်း၊ ချောင်းဦးမြို့နယ်၊ မှန်ချိုကျေးရွာကို စစ်တပ်က လက်နက်ကြီးဖြင့် ပစ်ခတ်ခဲ့ရာ ပြည် သူ့နေအိမ် ၁ လုံးပျက်စီးခဲ့ပြီး ကျေးရွာနေပြည်သူများ ထွက်ပြေးတိမ်းရှောင်နေရကြောင်း ဒေသနေ ပြည်သူများထံက သိရသည်။
ယမန်နေ့ မေလ ၁၉ ရက် မွန်းတည့် ၁၂ နာရီခန့်က ချောင်းဦးမြို့အထွေထွေအုပ်ချုပ်ရေးမှူးရုံး၌ တပ် စွဲထားသော စစ်ကောင်စီတပ်သားများက မှန်ချိုကျေးရွာဘက်သို့ ၁၂၀ မမ လက်နက်ကြီးဖြင့် ၃ လုံး ပစ်ခတ်ခဲ့ရာ ကျေးရွာအတွင်း တစ်လုံးကျရောက်ပေါက်ကွဲပြီး နေအိမ်တစ်လုံးပျက်စီးခဲ့ကြောင်း၊ ကျန် ၂ လုံးမှာ လည်း ကျေးရွာအနီးပတ်ဝန်းကျင်နေရာများ၌ ကျရောက်ပေါက်ကွဲခဲ့ခြင်းဖြစ်ကြောင်း သိရ သည်။
“ချောင်းဦးမြို့ထွေအုပ်ရုံးက စခတွေက ၁၂၀ မမ လက်နက်ကြီးနဲ့ ရမ်းသမ်းပစ်ခတ်လို့ နေအိမ် ၁ လုံး ပျက်စီးတာ၊ တစ်လုံးကကျတော့ ဘုရားခြေရင်းမှာတစ်လုံးကျတယ်၊နောက်တစ်လုံးကတော့ မှန်ချို့ ရွာ ကြေးနန်းရုံးတာဝါတိုင်ရဲ့အနောက်မြောက်ထောင့်နားမှာ တစ်လုံးကျတာ၊ လူတော့ထိခိုက်မှုမရှိ ဘူး။” ဟု ဒေသနေပြည်သူတစ်ဦးက ပြောကြားသည်။
အဆိုပါ အကြမ်းဖက်စစ်သားများက နေ့ရောညပါ ၁၂၀ မမလက်နက်ကြီးဖြင့် ချောင်းဦးမြို့ပတ်ဝန်း ကျင်ရှိ ကျေးရွာများကို ရမ်းသမ်းပစ်ခတ်နေသဖြင့် မှန်ချိုရွာအပါအဝင် အနီးအနားကျေးရွာနေပြည်သူ များမှာ ထွက်ပြေးတိမ်းရှောင်နေကြရကြောင်း သိရသည်။
Thanlwin Myanmar Media
