ရွှေဘိုမြို့နယ်၊ ဆိုင်ကယ်ဖြင့်သွားလာနေသည့် ဒုရုဲအုပ်တစ်ဦးနှင့် ရဲတပ်သား တစ်ဦးကို ပစ်ခတ်တိုက် ခိုက်မှု ၂ ဦးစလုံးသေဆုံးပြီး သေနတ် ၂ လက်နှင့် ခဲယမ်းများ သိမ်းဆည်းရရှိ
သံလွင်မြန်မာသတင်း
မေလ ၁၉
စစ်ကိုင်းတိုင်း၊ ရွှေဘိုမြို့နယ်တွင် ဆိုင်ကယ်ဖြင့် သွားလာနေသည့် ဒုရဲအုပ်တစ်ဦးနှင့် ရဲတပ်သား တစ်ဦးကို ပစ်ခတ်တိုက်ခိုက်ခဲ့ရာ ၂ ဦးစလုံးသေဆုံးပြီး သေနတ် ၂ လက်သိမ်းဆည်းရရှိခဲ့ကြောင်း ရွှေဘိုခရိုင်အမှတ် ၄ တပ်ရင်းထံမှ သိရသည်။
မေလ ၁၅ ရက် နံနက် ၇ နာရီ ၂၀ မိနစ်က ရွှေဘိုမြို့နယ် ညောင်ပင်သာ စိုက်သိပ္ပံတက္ကသိုလ်၌ အ ထိုင်ချတပ်ဆွဲ ထားသော စစ်သား၊ ရဲ ပျူစောထီးများအနက် ဒုရဲအုပ်တစ်ဦးနှင့် ရဲတပ်သား တစ်ဦး သည် ပန်းရံပျူစောထီးကျေးရွာဘက်သို့ ဆိုင်ကယ်ဖြင့် ထွက်လာခဲ့ကြောင်း သိရသည်။
ထိုသို့ ဆိုင်ကယ်ဖြင့်ထွက်လာသည့် ရဲ ၂ ဦးကို ပြည်သူ့ကာကွယ်ရေးတပ်ဖွဲ့များက ကြားဖြတ် တိုက် ခိုက်ခဲ့ရာ နှစ်ဦးလုံး သေဆုံးသွားပြီး ၎င်းတို့ ကိုင်ဆောင်သာ ၃၅ ဗို့ ခြောက်လုံးပြူး သေနတ် ၁ လက်၊ G-3 အမျိုးအစား သေနတ် ၁ လက်၊ ကျည်ဘောက်နှင့်ခဲယမ်းများ သိမ်းဆည်းရရှိခဲ့ကြောင်း သိရ သည်။
အဆိုပါတိုက်ခိုက်မှုကို ရွှေဘိုခရိုင်အမှတ် ၄ တပ်ရင်းနှင့် နယ်မြေခံပကဖ တို့ ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
