ရွှေဘိုမြို့နယ်၊ သပြေသာကျေးရွာတွင် အကြမ်းဖက်စစ်တပ်က အမည်မသိပြည်သူ ၄ ဦးကို မီးရှို့သတ် ဖြတ်ကာ နေအိမ် ၂၀၀ နီးပါးကိုလည်း မီးရှို့ဖျက်ဆီး၊ မိုင်းမိမှုကြောင့် ပျူတစ်ဦးသေဆုံး
သံလွင်မြန်မာသတင်း
ဒီဇင်ဘာလ ၁၁
စစ်ကိုင်းတိုင်း၊ ရွှေဘိုမြို့နယ်၊ သပြေသာကျေးရွာတွင် အကြမ်းဖက်စစ်တပ်က အမည်မသိ ပြည်သူ ၄ ဦး ကို မီးရှို့သတ်ဖြတ်ကာ နေအိမ် အလုံး ၂၀၀ နီးပါးကိုလည်း မီးရှို့ဖျက်ဆီးခဲ့တယ်လို့ ရွှေဘိုမြို့နယ် ပြည်သူ့ကာကွယ်ရေးတပ်ဖွဲ့က ထုတ်ပြန်ထားပါတယ်။
ဒီဇင်ဘာလ ၉ ရက်နေ့က ရွှေဘိုမြို့ပေါ်မှထွက်လာသော အကြမ်းဖက်စစ်သား၊ ပျူစောထီး ပူးပေါင်း စစ်ကြောင်း ၂ ခုဟာ သပြေသာကျေးရွာကို ဝင်ရောက်ကာ အမည်မသိပြည်သူ ၄ ဦးကို မီးရှို့သတ် ခဲ့တယ်လို့ ဆိုပါတယ်။
ဒါအပြင် သပြေသာကျေးရွာကနေအိမ်တွေကိုလည်း မီးရှို့ဖျက်ဆီးခဲ့တဲ့အတွက် နေအိမ် အလုံး ၂၀၀ နီး ပါးပြာကျသွားတယ်လို့ သိရပါတယ်။
မီးရှို့သတ်ဖြတ်ခံရတဲ့ ပြည်သူ ၄ ဦးနဲ့ပတ်သက်လို့ အကြမ်းဖက်စစ်ကောင်စီတပ်လော်ဘီချန်နယ်တွေ က ပြည်သူ့ကာကွယ်ရေးတပ်ဖွဲ့ဝင် ၄ ဦးလို့ ဖော်ပြထားပေမယ့် ပြည်သူ့ကာကွယ်ရေးတပ်ဖွဲ့ဝင်တွေ မဟုတ်သလို သပြေသာရွာသားအပါအဝင် ဒေသနေပြည်သူတွေမဟုတ်ဘူးလို့လည်း သိရပါတယ်။
အဲဒီမီးရှို့သတ်ဖြတ်ခံရတဲ့ အလောင်း ၄ လောင်းနဲ့ပတ်သက်လို့ မည်သူမည်ဝါဖြစ်တယ်ဆိုတာကို လည်းအတည်ပြုလို့မရသေးဘူးလို့ ရွှေဘိုမြို့နယ်ပြည်သူ့ကာကွယ်ရေးတပ်ဖွဲ့က ပြောဆိုထားပါ တယ်။
အဲဒီအကြမ်းဖက်စစ်တပ် စစ်ကြောင်းကို ရွှေဘိုမြို့နယ်ပကဖ တိုက်ခိုက်ရေးအဖွဲ့ (PDO) က ဦး ဆောင်ကာ ဒေသ ကာကွယ်ရေးအဖွဲ့တွေက ထောင်ထားတဲ့ မိုင်းတွေပေါက်ကွဲခဲ့တာကြောင့် ပျူစောထီး ၁ ဦးသေဆုံးကာ ပန်းရံ ပျူစောထီးခေါင်းဆောင် အောင်ကျော်အပါအဝင် ၃ ဦး ထိ ခိုက်ဒဏ်ရာရရှိခဲ့တယ်လို့ သိရပါတယ်။
Thanlwin Myanmar Media
