ချောင်းဦး မြို့ အထွက် မုံရွာ-မန္တလေးမကြီးပေါ်တွင်မိုင်းရှင်းစစ်သားများကို မိုင်းဆွဲတိုက်ခိုက်မှု စစ်သား ၄ ဦး သေဆုံး
D Day News
နိုဝင်ဘာလ ၂၂
စစ်ကိုင်းတိုင်း၊ ချောင်းဦးမြို့နယ်၊ ချောင်းဦးမြို့အထွက် မုံရွာ -မန္တလေးလမ်းမကြီးပေါ် မိုင်းရှင်း ဖို့ထွက်လာတဲ့ စစ်သားတွေကို မိုင်းဆွဲတိုက်ခိုက်ခဲ့ရာ စစ်သား ၄ ဦး သေဆုံးခဲ့တယ်လို့ Chaung U People Defense Force – CHUPDF တပ်ဖွဲ့မှတာဝန်ရှိသူတစ်ဦးက ပြောပါတယ်။
နိုဝင်ဘာလ ၂၁ ရက် မနက် ၈ နာရီ ၁၀ မိနစ်အချိန် ချောင်းဦးမြို့ထဲကနေ Canda ကားနဲ့ မိုင်းရှင်းဖို့ ထွက်လာတဲ့ အကြမ်းဖက်စစ်သား ၁၀ ယောက်ကို ချောင်းဦးမြို့ အထွက် မုံရွာ-မန္တလေးလမ်းမပေါ် တနေရာအရောက် စစ်သားတွေကားပေါ်က ဆင်းနေတုန်း ပဒေသာမိုင်း ၂ လုံးနဲ့ ဖောက်ခွဲ တိုက်ခိုက် ခဲ့တာလို့ ဆိုပါတယ်။
အဲဒီလို တိုက်ခိုက်တဲ့အချိန် စစ်သား ၄ ယောက်လောက် သေဆုံးပြီး အများအပြား ဒဏ်ရာရရှိခဲ့ တယ်လို့ သိရပါတယ်။
သေဆုံးစစ်သား ၄ ယောက်ကိုတော့ ခရီးသည်တင် Express ကားနဲ့ နတ်ရေကန်ဘက်ကို သယ်ဆောင်သွားသလို ဒဏ်ရာရ စစ်သားတွေကိုလည်း ချောင်းဦးမြို့နဲ့ မုံရွာမြို့ဆေးရုံတွေကို ပို့ ဆောင်လိုက်တယ်လို့ Chaung U People Defense Force – CHUPDF တပ်ဖွဲ့မှတာဝန်ရှိသူ တစ်ဦးက ပြောပါတယ်။
“ပုံမှန်လမ်းမပေါ်တက်ပြီး မိုင်းရှင်းတဲ့ စခတွေပါ၊ ပုံမှန်က သံပြားကာနဲ့ထွက်နေကြ။ သံပြားကာ ကား ကလက်ရှိ မုံရွာထဲကို ထွက်သွားလို့ Canda ကားနဲ့ထွက်လာတာ၊ ၄ ယောက်သေတယ်လို့ သတင်းရ ထားတယ်၊ နောက်ဆက်တွဲတော့ မသိရသေးဘူး။ ဒဏ်ရာရတဲ့သူတွေကို ချောင်းဦးဆေးရုံနဲ့ မုံရွာ ဆေးရုံကို ခွဲသယ်သွားတာ၊ တိုက်ခိုက်ခဲ့တာက ချောင်းဦးမြို့အထွက်မှာပဲ ဆိုတော့ သူတို့စိုးမိုးနယ်မြေ နဲ့ကပ်လျက်ပဲ။” ဟု Chaung U People Defense Force – CHUPDF တပ်ဖွဲ့မှတာဝန်ရှိသူတစ်ဦးက ရှင်းပြပါတယ်။
အဲဒီတိုက်ခိုက်မှုကို ချောင်းဦးမြိုနယ် ပကဖ တိုက်ခိုက်ရေးတပ် CHU PDF တပ်ခွဲ ၄ ရဲဘော်တွေက တိုက်ခိုက်ခဲ့ခြင်းဖြစ်ပြီးတော့ ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ် ခွာနိုင်ခဲ့တယ်လို့ သိရပါတယ်။
D Day News
