ကဗျာ ကဏ္ဍ “ငါ့ကံရယ် တကယ်ဆိုး”

ပျိုးကြဲလက်

အစွယ်လိုသူ မိဖုရားနဲ့

စေစားတော့ ရှင်ဘုရင် ။

ဆဒ္ဒန်ရှင် အစွယ်မြတ်ကို

ဖြတ်ကြဖို့နှင် ။

သောနုတ္တရ မုဆိုးပင်

အပြစ်တင် ရန်ငြိုး ။

ဤဘဝ လောကဓံဝယ်

ငါ့ကံရယ်ဆိုး ။

ပခြုပ်ဆိုင် တော်သလင်းမို့

ချစ်တင်းနှောမဟဲ့ နှစ်ပါးဆိုင် ။

လင်တရာ မောင်တကျိပ်နဲ့

ချွေးသိပ်လို့မြိုင် ။

အချိန်တန်

အိမ်ပြန်ပေါ့ အပြိုင်ပြိုင်

ဇီးကပ်လို့မှိုင် အပူတိုး ။

ဤဘဝ လောကဓံဝယ်

ငါ့ကံရယ်ဆိုး ။

ရွေးကောက်ခံ မဲရှုံးလို့

ယူကျုံးမရ လောဘပို ။

အာဏာကို လက်နက်ပြ

သိမ်းကြပါဆို ။

စစ်ရှုံးမှ မဆိုင်သလို

လွတ်ရာကို ရှောင်သကိုး ။

ဤဘဝ လောကဓံဝယ်

အလိုကွယ်

ငါ့ကံရယ်ဆိုး ။ ။

ပျိုးကြဲလက်

ကဗျာရေးသားချိန် = ၂၀၂၄ ဇူလိုင်လ ၃၁ ရက် ညနေ ၅ နာရီ ၁၅ မိနစ်

D Day News