ကဗျာကဏ္ဍ “တိမ်တောက်ချိန်”

ပျိုးကြဲလက်

တော်လှန်ခိုက်မှာဖြင့်

စံကိုက်ပါ့အားအင်

လူမိုက်ကိုနှင်
ပြည်တခွင် ညီနောင်ဘွားရယ်နဲ့

စည်းသားလို့ ရန်ထိုထို

မပြိုပြိုအောင် တိုက်ရင်ဖြင့်

လူမိုက်တို့ အစုံအလင်

အလျှင်အမြန် ပြေးပါဘိတယ်လေး ။

နေညိုရင် တိမ်တောက်

ဆိုသလောက်ပင်

သူ့အားအင် ဂုဏ်မထွားပေဘု

မိသားစု အစုံအလင်

ဘယ်သောင်တင်ဘယ်ကမ်းဆိုက်စေတော့

လူမိုက်ဘဝ ကြမ္မာငင်

အာဏာရှင် အဖြစ်ဆိုးပြီမို့

ရာဇဝင် ဂုဏ်မညှိုးရအောင်

ကြိုးပမ်းစို့လေး ။ ။

ပျိုးကြဲလက်

ကဗျာရေးသားချိန် ၂၀၂၅ ခုနှစ်၊ မေလ ၂၂ ရက် ည ၈ နာရီ ၁၂ မိနစ်

Thanlwin Myanmar Media