ကဗျာကဏ္ဍ “ရှေးထုံး”
ပျိုးကြဲလက်
ရာဇပလ္လင်မှာ မင်းယုတ်တက်ရင်ဖြင့်
စစ်မက်ကယ် တကယ်ထူလို့
ပြည်သူမှာ ကပ်ရောဂါနှင့်
သဘာဝဘေးက နှိပ်စက်ပေါ့
ပြည်မပျက်အောင် အစဉ်မနှေးပါဘု
ရှေးလူတွေ စာတော်စကားရယ်က
တွေးယူလေ အမှာတော်ပါးသလိုပါ့
တယောက်စကား တယောက်နားရယ်နဲ့
မှတ်သားဖို့ ချန်ခဲ့သနော် ။
ရှေးကဝိ စာဆိုအကျော်တို့
တွေးခေါ်ရာ ပြည်ပျက်ပုံတမူထူးပါဘိ
ဘုရင်ရူးနဲ့ နောက်တော်အပါး
ဖောက်ပြားကာ လော်လီလို့
ကျမျက်ရည် ပြည်တဝန်းမှာလ
မခန်းသရွေ့ ဒေါသကိုယ်စီခရင်ဖြင့်
အကုသိုလ်ကံ ပထမဇောရယ်က
စိတ်စောချိန်မှာ အားအလွန်ကြီးပါဘိ
ပြည်ဟည်းလို့ကျော် ။
ပထမဇော အကျိုးပေးထက်ပြန်တော့
ခုနှစ်ရက် ခုနှစ်လ ခုနှစ်နှစ်အတွင်းမှာပါ့
စိတ်ရင်းနဲ့ အကုသိုလ်ကံရယ်က
အပြန်အလှန် ပြုတဲ့အကျိုး
အဖန်အဖန် စုတဲ့အမျိုး
ကပ်ဆိုးတို့ မပြတ်ပေါ်
စိတ်ကိုနော် ဖြူအောင်ထား ။
ဘုရင်ရူးနဲ့ နောက်တော်အပါးက
လော်လီကပ်ဖား လူဇော်တသိုက်မှာဖြင့်
ကပ်ဆိုက်ချိန်မှာ မချန်ခဲ့ပါဘု
ကံစိုက်သူ အပူပေးခဲ့သမျှ
ပြန်ခိုက်မူ အတူမနှေးရပါလိမ့်
ရှေးကဝိ အဆူဆူရယ်က
နှောင်းလူတွေ မှတ်သားရအောင်
ချန်ထားခဲ့သား ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မေလ ၆ ရက် မွန်းလွဲ ၁ နာရီ ၂၉ မိနစ်
Thanlwin Myanmar Media
