ကဗျာကဏ္ဍ “ဒီပဲယင်းကတောက်ခေါက်သံ”
ပျိုးကြဲလက်
ပြည်တခွင်လုံး ၊ အမှောင်ဖုံးလျှင်
စုရုံးတက်ကြွ ၊ စာသင်ရ၍
ကလေးလူငယ် ၊ ကျောင်းနေရွယ်တို့
ပျော်ဖွယ်အတိ ၊ စာသင်ဘိ ။
ခေါင်းလောင်းထိုးသံ ၊ တညံညံနှင့်
စာအံမစဲ ၊ ချွေးသံရွှဲစေ
ပျော်ဆဲရွှင်ဆဲ ၊ သင်အံမြဲ ။
ပြည့်ရတနာ ၊ စုရုံးရာကို
သေချာမလွဲ ၊ လေမှာဝဲ၍
ဗုံးကြဲပစ်ခတ် ၊ ရန်ငါပြတ်သူ
လူသတ်သမား ၊ စစ်ခွေးများကို
သနားမဲ့ကင်း ၊ အမြန်ရှင်းလော့ ။
စစ်ခွေးဟူဘိ ၊ သူ့အသိတွင်
မရှိတရား ၊ ကျင့်ဝတ်ပါး၍
လူသားမဆန် ၊ စာနာဟန်မဲ့
ခန္ဓာအတိ ၊ ဂုဏ်မဲ့၏ ။
အိုးထိန်းတွင်းရွာ ၊ ကျောင်းတော်သာကို
ညှာတာမဲ့ကင်း ၊ ရင်သွေးရင်းသို့
ကိုယ်ချင်းမစာ ၊ ဗုံးချ လာသည့်
အာကာပျံဝဲ ၊ လေသူရဲအား
သေပွဲဝင်စေတိုက်ပါ့လေ ။
ကွယ်
ကြွေရဲရင်လေမိုက်ကြစေ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မေလ ၁၂ ရက် ည ၈ နာရီ ၁၀ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
