ကဗျာကဏ္ဍ “တော်လှန်လမ်း”
ပျိုးကြဲလက်
ဘဝတွေ မှောင်စမ်းပေါ့
ယောင်ယမ်းလို့ နွဲ့ပေါင်
အောင်လမ်းသို့ တည့်တည့်ဆောင်မယ်
ခနဲ့ယောင် ရှိဦး ။
အမှောင်ထု နောင်ဆီဝယ်
ရောင်နီရယ် သာတဲ့နေ့ထူး ။
မုန်တိုင်းက ပြင်းထန်ရာ
နင်းကန်သာ ရည်စူး ။
သူနွဲ့ကာ မော်ဖူးတော့
ပျော်မြူးပေါ့ ဧကန် ။
လှိုင်းထန်ချိန် စိတ်ထားက
ထိပ်ဖျားထိ ကြံ့ခိုင်ရပြန် ။
အားနည်းခိုက် မူဟန်ကြွယ်
ကူပြန်တယ် ဉာဏ်နဲ့ပေါ့
ပြန်လှည့်ဟဲ့ ဆိုချင်ဆို
ဆုံးဖြတ်ပြီးကို ။
ပေဖြစ်ခိုက် ခဏငိုမယ်
အရကို လျှောက်မယ်ကွယ့်လေး ။
တူဖြစ်ခိုက် ပြည်ထောင်ကိုကွယ်
စည်အောင်ပို အားစိုက်မယ်လေး ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မေလ ၅ ရက် ညနေ ၃ နာရီ ၂၇ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
