ကဗျာကဏ္ဍ “ဗိုလ်လုပွဲမို့ ဆွဲတဲ့လွန်”
ပျိုးကြဲလက်
နွေဂိမှာန် တော်လှန်လရယ်နဲ့
ပြည်အဝန်းမှာ ထိုးစစ်ခေါ်ရင်ဖြင့်
ဆိုးညစ်ဆွေ ဖော်တသိုက်မှာလ
အကျိုးအပြစ်တွေ အမျှော်စိုက်ပါလို့
ကပ်ဆိုက်ပါပေါ့ လောကဓံ ။
တော်လှန်သူ အိမ်ပြန်လမ်းဆီက
ခြေလှမ်းတွေ ညီညီနဲ့
လှမ်းချီရာ လူ့ဘောင်အသစ်မှာလ
ခေတ်မီမီ သင်းရနံ့ဝေလို့
ရွှေအိမ်မှာစံ ။
သူပုန်ကောင် ညွှန်ရာလိုက်ပါတဲ့
ဆိုးမိုက်ကာ နယ်တရိုးဆီက
သူခိုးဂျပိုး အော့ကြောလန်
အမြင်မှန်ရင် အိမ်အပြန်လှပါဘိ
ခဝါချမယ့် သူတို့ပွဲ
အထာကျသကွယ့် ကူစို့အမြဲ ။
လက်နက်ကို နင်မချရင်ဖြင့်
ကံထမလို မတွေးနဲ့
ပြန်ချသကို အပြေးကွယ့်
သေရေးနဲ့ ရှင်ဖို့အရေး
မနှေးပါနဲ့ ကိုလူမိုက်ရယ်
ကြိုက်လမ်းကို ကိုယ်စီရွေးချိန်မို့
(ကွယ်)
အတွေးလွန်ဆွဲ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ ဧပြီလ ၂၁ ရက် ည ၉ နာရီ ၂၃ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
