ကဗျာကဏ္ဍ “ရင်ထဲကသင်္ကြန်”
ပျိုးကြဲလက်
မြောက်ပြန်လေ အခါခါဝှေ့ပြီမို့
ယမ်းငွေ့တို့ တလူလူ ။
ပိတောက်ဝါ ရွှေရည်လူးလို့
ဖူးပွင့်ကြမူ ။
ဗုံးအမြောက်တို့ ခလို့ဆူ
မျက်ရည်ပူပူ စိုရွှဲ ။
ပိတောက်မှာ ယမ်းနံ့နှောတယ်
ရင်မောရဆဲ ။
နှစ်ကူးချိန် ခနော်ခနဲ့နှင့်
အပျော်မဲ့သကွယ့် တို့သင်္ကြန် ။
စိတ်စေရာ ကိုယ်လိုက်လို့
ဆိုးမိုက်ကြပြန် ။
လောကဓံတရား ကြံ့ကြံ့ခံ
ဖြောင့်မှန်ခဲ့ရင် မပျက်ဘူး ။
သင်္ကြန်ဆိုရင် တပြည်လုံး
ပြုံးလို့ရွှင်မြူး ။
သံသရာ မလွတ်သေးတော့
စိတ်အညစ်ကြေး စွဲပါစေ ။
စိတ်ကူးယဉ် အတာရေအေးနဲ့
ဆေးကြောစို့လေ ။
တော်လှန်လမ်းက ပြည်သူတွေ
ပျော်ရွင်ပါစေ ဆကဲ ။
လောကဓံ အောင်စေကြောင်းကို
တောင်းဆုခြွေမြဲ ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မတ်လ ၁၆ ရက် မွန်းလွဲ ၁၂ နာရီ ၅၇ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
