ကဗျာကဏ္ဍ “ဒေါင်းကမယ့်ပွဲ”

ပျိုးကြဲလက်

နွေကန္တာ လေရူးတို့

တဟူးဟူး ဝှေ့ပြန်

ပင်ထက်က နီတာလန်

 ဝေလက်ပံ ကြွေမြဲ ။

နွေနှမ လေပြေလာရင်

ရွှေမြေမှာ ဒေါင်းကမယ့်ပွဲ ။

ရင်လေးပါ့ ဖော်ဆွေရယ်

ပျော်နိုင်ပေ နွေထဲ ။

ဒေါင်းမှန်ရင် သတ္တိဇွဲနဲ့

သွေးရွှဲရွှဲ နွှဲပုံ ။

ရန်သူဆို စုံကြွ

ခုန်ဆွဆွ တအားခွပ်ကုန် ။

ခွပ်ဒေါင်းတို့ ကြုံဆုံရင်

နိုင်သူ့ဂုဏ် ရင်ကော့လို့

ဘဝင်ကြော့ အမောက်ထောင်

သတ္တိသွေးပြောင် ။

ပျော်ရွှင်ခိုက် က ယောင်ဆောင်တယ်

ရန်ပြိုအောင် ခွပ်နိုင်ငဲ့လေး ။

ဒေါင်းကဖို့ ပေါင်းစုဆောင်မယ်

ပြည်ကောင်းအောင် တည်ကြကွယ့်လေး ။ ။

ပျိုးကြဲလက်

ကဗျာရေးသားချိန် = ၂၀၂၅ ခုနှစ်၊ မတ်လ ၁၅ ရက် ည ၁၀ နာရီ ၂၂ မိနစ်

Thanlwin Myanmar Media