ကဗျာကဏ္ဍ “အုပ်ကြီးဘဝ အနိစ္စ”
ပျိုးကြဲလက်
ငါကအုပ်ကြီး ၊ ထိန်ထိန်ညီးသည့်
စစ်မီးကိုသတ် ၊ ရန်ငါဖြတ်မည်
တတ်အားသမျှ ၊ ပူးပေါင်းကြလော့ ။
ငါ့ဆွေငါ့သား ၊ အပထား၍
ယောင်္ကျားမှန်လျှင် ၊ တပ်ထဲဝင်မှ
အားအင်ပိုက်ထွေး ၊ ရန်သူပြေးမည်
တွေးကြည့်ပါဘိ ၊ ပျော်ပါ၏ ။
ငါ့ပိုင်နက်မြေ ၊ လာ၍နေလျှင်
ဝေဖန်မဲ့ကင်း ၊ စောရမင်း၏
စိတ်ရင်းကိုသိ ၊ သည်းခံဘိ၍
ပိပိပြားပြားနေရမည် ။
ပုန်ကန်ထကြွ ၊ ထောင်လွှားကြလျှင်
ငါကတပ်ထံ ၊ ဖုန်းဆက်ပြန်၍
လမ်းမှန်ကိုပြ ၊ နှိမ်နင်းရမည်
အကြမ်းဖက်သူငါမကြောက် ။
မူးယစ်ဆေးဝါး ၊ လောင်းကစားနှင့်
ပျော်ပါးစေရာ ၊ ပြည့်တန်ဆာတို့
စိတ်ပါသမျှ ၊ စွဲသုံးကြလော့
အဘနှင့်ငါ ၊ ပြည့်အာဏာကို
လာလာမထိကြလေနှင့်။
တနေ့သ၌ ၊ အခွင့်ဆိုက်သော်
လူမိုက်အားပေး ၊ အုပ်ချုပ်ရေး၏
စည်းဝေးပွဲတော် ၊ မြို့သို့ခေါ်လျှင်
လူရှော်အုပ်ကြီး ၊ ပြင်ဆင်ပြီးက
အမြီးကုပ်ခါသွားလေ၏ ။
လမ်းခုလတ်တွင် ၊ လူရိပ်မြင်၍
ဘဝင်ထိတ်ဆဲ ၊ ဒိုင်းကနဲဖြင့်
ဆွဲလှဲသလို ၊ အုပ်ကြီးကိုယ်မှာ
မြေကိုနမ်းလျှက် ၊ အသက်ထွက်ပြီ
ခြေလက်ဆတ်ဆတ်တုန်ခါဆဲ ။
မုဒိမ်းဓားပြ ၊ လူသတ်ရနှင့်
လာဘဆက်ကြေး ၊ ဘဝပေးသည့်
ဝမ်းရေးအလုပ် ၊ ပျော်ပျော်လုပ်၍
အုပ်ကြီးဘဝ ၊ ပျက်စီးရသည်
အနိစ္စဒုက္ခ ၊ အနတ္တပါတကား ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မတ်လ ၁၄ ရက် ညနေ ၄ နာရီ ၁၆ မိနစ်
Thanlwin Myanmar Media
