ကဗျာကဏ္ဍ “အောင်ကြူကြူ မေတ္တာ”

ပျိုးကြဲလက်

တပါးသူ ဆိုစကားက

မုဒိမ်းဓားပြ လူသတ်ကောင် ။

မေတ္တာတော် အနန္တနဲ့

ချစ်ရတဲ့အောင် ။

ကံခေလှတဲ့ ဝရမ်းမောင်

သမိုင်းတွင်အောင် ရန်ခ ။

မယ့်ချစ်လင် မှိုင်းမတယ်

ကြူကြူဘဝ ။

သျှောင်နောက်မှာ ဆံထုံးလိုက်တော့

နှစ်ခြိုက်ပေါ့ မောင့်အိမ်သူ ။

အကြင်နာ ရင်မှာခလို့

ချစ်ရပေါ့ကြူ ။

မလိုသူတို့ တပူပူ

ပြည်သူစေ အသာထား ။

ကြူကြူသာ ထာဝရ

အောင်ရဲ့မယား ။

ကျွန်ခံကာ ပြည်ဖျက်တဲ့

ရဲမက်က အောင်ကြူကြူ ။

ရင်ဝကို ဓားထက်ထက်နဲ့

ထိုးနှက်တဲ့သူ ။

လူယုံသတ်လို့ နလံမထူ

အောင်ကြူကြူ မမေ့ဘူး ။

သေလမ်းနဲ့ သုံ့ပန်းဘဝမှာ

ခံရစ်ကြဦး ။      ။

ပျိုးကြဲလက်

ကဗျာရေးသားချိန် = ၂၀၂၅ ခုနှစ်၊ ဖေဖော်ဝါရီလ ၂၂ ရက် မွန်းတည့် ၁၂ နာရီ ၅၆ မိနစ်

Thanlwin Myanmar Media