ကဗျာကဏ္ဍ “ဖွားစော ဒဿန”
ပျိုးကြဲလက်
သူဌေးသူကြွယ် ၊ ပြည့်ဝမ်းရယ်ဟု
ရင်ဝယ်စွဲမှတ် ၊ မဖောက်အပ် ။
မူးမတ်တစ်သင်း ၊ ပြည့်ဦးကင်းကို
မယွင်းမှတ်သား ၊ မနှိမ်ငြားနှင့် ။
ရဟန်းအမွန် ၊ ပြည့်တံခွန်ဟု
ကျိုးနွံဦးခိုက် ၊ မလှဲလိုက်နှင့် ။
ပညာတတ်သိ ၊ ပြည့်မျက်စိကို
အသိမှားမှောက် ၊ မဖောက်နှင့် ။
မင်းညီမင်းသား ၊ ပြည့်စွယ်များလည်း
တစ်ပါးယုံကိုး ၊ မချိုးနှင့် ။
သားပျိုသမီးပျို ၊ ပြည့်မျက်နှာကို
မျက်မာန်ပိုလျက် ၊ မဖျက်နှင့် ။
စစ်သည်ရဲမက် ၊ ပြည့်ခြေလက်လည်း
ရန်ဘက်သတ်မှတ် ၊ မဖြတ်အပ် ။
ဖွားစောဒဿန ၊ ပယ်ခွာကြလျင်
ဒုက္ခလက်ငင်း ၊ တွေ့မည်မင်း ။ ။
ပျိုးကြဲလက်
ရေးသားချိန် = ၂၀၂၂ ခုနှစ်၊ မတ်လ ၁၉ ရက် နံနက်အစောပိုင်း ၁ နာရီ ၃၉ မိနစ်
D Day News
မှတ်ချက်များ ပေးခဲ့နိုင်ပါတယ်...
