ကဗျာကဏ္ဍ “တရားနဲ့သာဖြေလိုက်ပါ”
ပျိုးကြဲလက်
ရွှေဘုန်းတော် ထိန်ဝါလျှပ်ပါတဲ့
ရာဇာမင်းမြတ် ပလ္လင်တွင်
အာဏာသတ်မှတ် ရွှေနန်းတင်တယ်
ချစ်ခင်သူတွေ ပျော်ပေ့တအား ။
အခုများဖြင့် နေ့မခြားသေတယ်
သားတပည့်တွေ ကံပေါ့ပြည်တလွှား ။
အတွေးနယ်ချဲ့လို့ တပည့်ထိုထိုမှာ
တကယ့်ကို သောကဗျာပါဒများ ။
အားကိုးဖွယ့်ရာ ဆရာပစ်ထားသမို့
စစ်ဗိုလ်စစ်သား ငိုရသကို ။
သားရောသမီးပါ စိတ်ဝယ်မချလို့
ဘိုးဘွားမိဘ အပ်ရပို ။
သားတပည့်တို့ ဝန်ချလိုတယ်
ပြည့်မေတ္တာကို ခံယူမဟဲ့လို့
ဆရာတဆူရဲ့ မိန့်ခွန်းခြွေ
စောင့်မျှော်လို့နေ ။
ကံဆိုးကြတဲ့ တပည့်အထွေထွေကို
မတရားဖဲ့ခြေ ပြုပါနဲ့ခင်ဗျာလေး ။
ပြည်တင်းလှတဲ့ ရာဇရွှေပလ္လင်ကို
တရားနဲ့ဖြေ ဆင်းပါတော့ခင်ဗျာလေး ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ ဒီဇင်ဘာလ ၂၂ ရက် ညနေ ၅ နာရီ ၁၇ မိနစ်
မှတ်ချက်များ ပေးခဲ့နိုင်ပါတယ်...
