ကဗျာ ကဏ္ဍ “ပြန်လာခဲ့ပါ ကိုထွန်းသာ”
ပျိုးကြဲလက်
တပ်ထဲမှာ စံပြကွယ့်
ဟန်ကျတဲ့ ကိုထွန်းသာ ။
ပြည်ပရန် လာရင်ပြေးလို့
ကာကွယ်ပေးမှာ ။
စစ်သားကြီး ဖြီးတတ်တာ
ကိုယ့်ရွာကို ပြန်ကြည့်အုံး ။
စစ်ခွေးတွေ ပြာချလို့
ဘာမှမရှိဘူး ။
စစ်ကြောင်းတွေ ရွာဝိုင်းလို့
လူတိုင်းက အကြောက်ပို ။
ဘေးလွတ်ရာ အမြန်ပြေးတော့
သေးထွက်လို့စို ။
စစ်ခွေးက အပျိုအအို
မုဒိမ်းကို ကျင့်သေး ။
ရက်စက်စွာ
လူသတ်ကာ မီးတိုက်လို့
စိုက်စိုက်သာပြေး ။
ကျုပ်တို့မှာ နာကြည်းလို့
ထပြီးတော့ ခုခံရာ ။
ကိုထွန်းသာ သန္ဓေမှန်က
ပြန်လာခဲ့ပါ ။
ကျုပ်တို့မြို့ ကျုပ်တို့ရွာ
ကာကွယ်ပါ ဖိတ်ခေါ်၏
ကိုထွန်းသာ ရွာပြန်လမ်းကို
မှန်းကြိုပါဘိ ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ နိုဝင်ဘာလ ၉ ရက် နံနက်အစောပိုင်း ၂ နာရီ ၃၀ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
