ကဗျာကဏ္ဍ “အလံဖြူမှတပါးအခြားမရှိ”
ပျိုးကြဲလက်
ကံဇာတာ ဂြိုဟ်စီးသမို့
စစ်မီးတို့ ဝိုင်းလေပြီ ။
တော်လှန်သူ တကယ်ကြိတ်က
ရဲစိတ်သွေဖည် ။
တချိန်က စစ်သွေးနီ
မျိုးသာကီ ဝင့်ကြွား ။
ပြုသမျှကံ အလှည့်ကျတယ်
ဝဋ်တွေကခါး ။
ပြည်သူကို ကျွန်ပြုလို့
လူတစ်စု စားကွက်ဖော် ။
အရိုးရင်းမျှော် လူ့ငနွားက
ခါးနာလှနော် ။
ရှေ့တန်းမှာ စစ်ကူမျှော်
ရိက္ခာနော် မလာဘူး ။
လေးလွတ်ရာ အိပ်စားကာမနဲ့
အဘတို့မြူး ။
ရဲဘော်ဘဝ စဉ်းစားကွယ့်
ခြင်းကြားနဲ့ နင်းပြားသာ ။
သေပြန်ရင် ကိုယ့်ရင်သွေးက
ပထွေးလက်မှာ ။
မိသားစု ပျော်စရာ
ချင့်ချိန်ကာ ဆုံးဖြတ်ကြ။
နားထူထူ ဥာဏ်ကူလို့
အလံဖြူပြ ။ ။
ပျိူးကြဲလက်
ကဗျာရေးသားချိန် = ၂၀၂၄ ခုနှစ်၊ ဒီဇင်ဘာလ ၉ ရက် နံနက်အစောပိုင်း ၁ နာရီ ၄၅ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
