ကဗျာကဏ္ဍ “ဝရမ်းမောင်”
ပျိုးကြဲလက်
ဝေဟင်မှာ လေယာဉ်စီးလို့
ယီးလေ့လေ့ သူရဲယောင် ။
ပြည်သူကို ရည်ရွယ်မြဲ
ဗုံးကြဲတဲ့မောင် ။
ရာဇဝတ်ဘေး မလွတ်ပေါင်
နင့်ခေါင်းဆောင် ကြည့်စမ်း ။
ပြည့်အာဏာ တမင်ခိုးတယ်
ကြိုးစင်ကိုလှမ်း ။
ခေတ်ပြောင်းအောင် ခေါင်းကိုပစ်တဲ့
လူညစ်တို့ အဖြစ်ကို ။
နေညိုညို သံချိုနှောလို့
ပြောပြပါ့ဆို ။
ပလ္လင်ထက် ရတက်ပို
ဝဋ်ချိုချို ကြာမှခါး ။
အလှည့်ကျ နွဲ့မရတယ်
ဝရမ်းမင်းသား ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ နိုဝင်ဘာလ ၂၈ ရက် ည ၁၁ နာရီ ၂၆ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
