ကဗျာကဏ္ဍ “တိုင်းတပါး အလိုတော်ရိ”

ပျိုးကြဲလက်

ပေါက်ဖော်နဲ့ ရုရှား

ခစားကွယ့် စာပေသင် ။

ထောက်ခံသူ ရွှေဉာဏ်တုံးကို

ဆုံးမပဲ့ပြင် ။

ရွေးကောက်ပွဲကြီး သူဆင်ယင်

ရာဇပလ္လင် အိပ်မက် ။

နယ်ချဲ့သူ ကူညီဝိုင်းလို့

တိုင်းပြည်ကိုဖျက် ။

ရုရှားကို အားကိုးလို့

ပေါက်ဖော်မျိုး ပူဇော် ။

ရွှေမြေကို အဆီစုပ်မယ့်

လူယုတ်တို့ပျော် ။

အသုံးချတော့ တပ်မတော်

ကောင်းစားသော် ဗိုလ်ချုပ် ။

စစ်သည်တော် ပြည်ချစ်က

ဖရဲသီးလုပ် ။

ပြည်ပကို အားကိုးတဲ့

ပုဆိန်ရိုး ဂွစာ ။

ပြည့်ထွက်ကုန် အစုံပေးလို့

မြော်တွေးနုံချာ ။

စစ်ရေးက ဗရချာ

လူထုမှာ နာသေး ။

လူ့ဂွစာ သရေယုတ်ကို

မောင်းထုတ်စို့လေး ။ ။

ပျိုးကြဲလက်

ကဗျာရေးသားချိန် = ၂၀၂၄ ခုနှစ်၊ နိုဝင်ဘာလ ၂၁ ရက် ညနေ ၄ နာရီ ၅၆ မိနစ်

D Day News