ပခုက္ကူမြို့နယ်၊ တင်းဂါတ်ရွာအနီးရှိ စစ်ဆေးရေးဂိတ်ကို အီနာဂါဗုံးသီး အလုံး ၂၀ ကြဲချတိုက်ခိုက်မှု စစ်သား၊ ပျူ ၈ ဦး ဒဏ်ရာရာရ
D Day News
မေလ ၁၇
မကွေးတိုင်း၊ ပခုက္ကူမြို့နယ်၊ ပခုက္ကူ-ပေါက်လမ်းမပေါ် တင်းဂတ်ရွာအနီးရှိ အကြမ်းဖက်စစ်တပ် စစ်ဆေးရေးဂိတ်ကို အီနာဂါဗုံးသီး အလုံး ၂၀ ကြဲချတိုက်ခိုက်ခဲ့ကြောင်း မြိုင်ပကဖထံမှ သိရသည်။
ယမန်နေ့ မေလ ၁၆ ရက် ညနေ ၃ နာရီမှ ၅ နာရီအထိ ပခုက္ကူမြို့နယ်၊ ပခုက္ကူ -ပေါက် လမ်းမပေါ် တင်းဂါတ်ရွာအနီးရှိအကြမ်းဖက်စစ်တပ် စစ်ဆေးရေးဂိတ်ကို အီနာဂါဗုံးသီး အလုံး ၂၀ ကြဲချ တိုက် ခိုက်ခဲ့ရာ တင်းဂါတ်ရွာပျူခေါင်းဆောင် မြင့်ကြည်၏ ဒုလက်ထောက် သန့်ဇင် အပါအဝင် စစ်သား၊ ပျူ ၈ ဦး ထိခိုက်ဒဏ်ရာရရှိခဲ့ကြောင်း သိရသည်။
ယင်းအကြမ်းဖက်စစ်တပ် ဂိတ်သည် ခရီးသွားပြည်သူများနှင့် ကားသမားများအပေါ် အမြဲလိုလို ငွေ ကြေး အတောင်းကြမ်းပြီး အနိုင်ကျင့်ဗိုလ်ကျနေသည့် ဂိတ်ဖြစ်သဖြင့် တိုက်ခိုက်ခဲ့ခြင်းဖြစ်ကြောင်း၊ ဒဏ်ရာရရှိသည့် ပျူ သန့်ဇင် ဆိုသူသည် အမှတ် ၁၅ ၊ ဆင်ပေါက်လှရပ်ကွက်တွင်နေထိုင်ပြီး အလုပ် လက်မဲ့များကို ပျူအဖွဲ့ထဲဝင်ရောက်ရန် စုဆောင်းနေသူဖြစ်ကြောင်း သိရသည်။
အဆိုပါ တိုက်ခိုက်မှုကို မြိုင်ပကဖ ၊ Black Cobra ၊ Pku Thurian နှင့် KMDF (Kamma Defence Force တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
