သံလွင်မြန်မာသတင်း
ဩဂုတ်လ ၂၉
အကြမ်းဖက်စစ်ကောင်စီ၏ တရားမဝင်အတုအယောင်ရွေးကောက်ပွဲကို ရှုထောင်ပေါင်းစုံကနေ နည်း လမ်းပေါင်းစုံဖြင့် တားဆီးသွားရမည်ဖြစ်ကြောင်း NUG ပြည်ထောင်စုဝန်ကြီးချုပ်မန်းဝင်းခိုင်သန်း က ပြောကြားသည်။
ယမန်နေ့ ဩဂုတ်လ ၂၈ ရက် နံနက်ပိုင်းက ကျင်းပခဲ့သည့် အမျိုးသားညီညွတ်ရေးအစိုးရ၊ ကြား ကာလ ဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး အမှတ်စဉ် (၃၀/ ၂၀၂၅) တွင် ၎င်းက ထည့်သွင်းပြောကြားခဲ့ခြင်းဖြစ်သည်။
အကြမ်းဖက်စစ်ကောင်စီ၏ အတုအယောင်ရွေးကောက်ပွဲအပေါ် တော်လှန်ရေးအင်အားစု အသီးသီး က သဘောထားထုတ်ပြန်ချက်များ ထုတ်ပြန်ကာ တုံ့ပြန်တားဆီးသွားရန်ပြင်ဆင်ဆောင်ရွက်လျက်ရှိ ကြောင်း၊ အကြမ်းဖက်စစ်အုပ်စုသည် ပြည်သူ့သဘောဆန္ဒကို ဆန့်ကျင်ကာ အာဏာတည်မြဲရေး၊ ဆက်လက်ကျူးလွန်နေဆဲဖြစ်သည့် စစ်ရာဇဝတ်မှုများမှ လွတ်မြောက်နိုင်ရေးတို့အတွက် ဇွတ်အ တင်းစီမံနေခြင်းဖြစ်ကြောင်း သိရသည်။
“အကြမ်းဖက် စစ်အုပ်စုဘက်က ကျင်းပဖို့ ပြင်ဆင်နေတဲ့ တရားမဝင် အတုအယောင် ရွေးကောက် ပွဲနဲ့ ပတ်သက်ပြီး သူတို့ဘက်ကလည်း ပြင်ဆင်ဆောင်ရွက်နေမှု တွေနဲ့ လှုပ်လှုပ်ရှားရှား ဖြစ်လာ သ လို ကျနော်တို့ တော်လှန်ရေး အင်အားစုအသီးသီးကလည်း ဒီတရားမဝင်အတုအယောင်ရွေးကောက် ပွဲနဲ့ ပတ်သက်ပြီး သဘောထားထုတ်ပြန်ချက်တွေ ထုတ်ပြန်ကြတာမျိုး၊ တုံ့ပြန်နိုင်ဖို့ ပြင်ဆင်ဆောင် ရွက်ကြတာမျိုးတွေ လုပ်ဆောင်နေကြတာကို အားလုံးကလည်း တွေ့မြင်ကြရမှာဖြစ်ပါတယ်။ အ ကြမ်းဖက် စစ်အုပ်စုဟာ ပြည်သူ့သဘောဆန္ဒတွေနဲ့ ဆန့်ကျင်ပြီး သူတို့အာဏာ တည်မြဲဖို့နဲ့ သူတို့ ကျူးလွန်ခဲ့တဲ့၊ ကျူးလွန်နေဆဲဖြစ်တဲ့ စစ်ရာဇဝတ်မှုတွေက ပြစ်ဒဏ်ကင်းလွတ်ခွင့် ရနိုင်မလားဆိုတဲ့ အတွေးနဲ့ သူတို့ရဲ့နိုင်ငံရေးထွက်ပေါက်တစ်ခု ဖြစ်လာမယ်လို့ ထင်ရတဲ့ ဒီအတုအယောင် ရွေးကောက် ပွဲကို ဇွတ်အတင်းစီမံနေတာ ဖြစ်ပါတယ်” ဟု NUG အစိုးရ၊ပြည်ထောင်စုဝန်ကြီးချုပ်မန်းဝင်းခိုင်သန်း က ပြောကြားသည်။
အကြမ်းဖက်စစ်ကောင်စီ၏ အတုအယောင်ရွေးကောက်ပွဲနှင့်ပတ်သက်၍ နိုင်ငံတကာအစိုးရများ၊ နိုင်ငံတကာအဖွဲ့အစည်းများနှင့် ဒီမိုကရေစီ မဟာမိတ်များအနေဖြင့် အကြမ်းဖက်စစ်အုပ်စုက ဇွတ် အတင်းပြုလုပ်မည့် တရားမဝင် အတုအယောင်ရွေးကောက်ပွဲသည် မြန်မာနိုင်ငံ၏ လက်ရှိအခြေ အနေများကို ပြေစေမည့် အဖြေမဟုတ်ကြောင်း NUG အစိုးရက ဩဂုတ်လ ၂၄ ရက်နေ့တွင် ထုတ် ပြန်ထားသည်။
“အကြမ်းဖက်စစ်အုပ်စုဟာ သူတို့သဘောကျစီမံခွင့် မရှိပါဘဲ၊ သူတို့မှာ ရွေးကောက်ပွဲလုပ်ဖို့ အခွင့် အာဏာမရှိပါဘဲ စီမံနေတဲ့ ဒီတရားမဝင် ရွေးကောက်ပွဲကို ရှုထောင့်ပေါင်းစုံကနေ နည်းလမ်း ပေါင်း စုံနဲ့ တားဆီးသွားကြရမှာ ဖြစ်ပါတယ်။ သဘောထား ထုတ်ပြန်ချက်ထဲမှာ ပါသလို စစ်အုပ်စုနှင့် သူတို့ ရဲ့ လက်အောက်ခံဖြစ်တဲ့ ပြည်ထောင်စုရွေးကောက်ပွဲ ကော်မရှင်အမည်ခံ အဖွဲ့အစည်းတို့ကို ကျနော် တို့အနေနဲ့ အကြမ်းဖက်အုပ်စုများအဖြစ် ကြေညာထားပြီး ဖြစ်တဲ့အတွက် ကျနော်တို့ရဲ့ စိုးမိုးထိန်း ချုပ်နယ်မြေတွေအတွင်းမှာ ဒီအတုအယောင် ရွေးကောက်ပွဲကို ဇွတ်အတင်းပြုလုပ်ဖို့ ပြည်သူလူထု ကို ဖိအားပေးဆောင်ရွက်လာတာတွေ ရှိရင်တော့ ကျွန်တော်တို့ အနေနဲ့ ဥပဒေလုပ်ထုံးလုပ်နည်းတွေ နဲ့အညီ ထိရောက်စွာ ဖမ်းဆီးအရေးယူ ဆောင်ရွက်သွားရမှာ ဖြစ်ပါတယ်” ဟု ပြည်ထောင်စုဝန်ကြီး ချုပ်မန်းဝင်းခိုင်သန်းက ပြောကြားသည်။
အကြမ်းဖက်စစ်အုပ်စုကို အားပေးထောက်ခံခြင်းသည် မြန်မာပြည်သူလူထုအပေါ် စစ်အုပ်စုက ကျူလွန်လျက်ရှိသည့် စစ်ရာဇဝတ်မှုများကိုထောက်ခံအားပေးခြင်း၊ အဆိုပါ ပြစ်မှုများအတွက် ပြစ် ဒဏ်ကင်းလွတ်ကင်းလွတ်ခွင့်ကို အထောက်အကူပြုခြင်းနှင့် အလားသဏ္ဍာန်တူသည်ကို သတိချက် လျက် စစ်အုပ်စု၏ အတုအယောင်ရွေးကောက်ပွဲကို ဆန့်ကျင်ငြင်းပယ်ကြရန် NUG အစိုးရက တိုက်တွန်းထားသည်။
Thanlwin Myanmar Media
