NUG နှင့်EROs ထိန်းချုပ်နယ်မြေများရှိ ငလျင်ဒဏ်သင့်ပြည်သူများအထိ သွားရောက်ကူညီပေးကြပါ ရန် မေတ္တာရပ်ခံ (ရုပ်သံ)
သံလွင်မြန်မာသတင်း
ဧပြီလ ၁
နိုင်ငံတကာကူညီကယ်ဆယ်ရေးအဖွဲ့အစည်းများအနေဖြင့် NUG နှင့် EROs ထိန်းချုပ်နယ်မြေများရှိ ငလျင်ဒဏ်သင့်ပြည်သူများထံအထိ သွားရောက်ကူညီပေးကြပါရန် NUG အစိုးရ၊ ပြည်ထောင်စုဝန် ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က မေတ္တာရပ်ခံထားသည်။
ယနေ့ ဧပြီလ ၁ ရက်နေ့တွင် “ပြည်သူလူထုနှင့်နိုင်ငံတကာသို့ သတင်းစကားပြောကြားခြင်း (Press Briefing) အစီအစဉ် – ၇/၂၀၂၅” တွင် ၎င်းကထည့်သွင်းပြောကြားခဲ့ခြင်းဖြစ်သည်။
“စစ်ကောင်စီက အမျိုးသားညီညွတ်ရေးအစိုးရနဲ့ တော်လှန်ရေးအဖွဲ့တွေ ထိန်းချုပ်နယ်မြေတွေကို မသွားနိုင်ဖို့ ပိတ်ပင်တားဆီးနေတာတွေရှိပါတယ်။ ဒါကြောင့် ကူညီကယ်ဆယ်ရေးအဖွဲ့တွေအနေနဲ့ စစ်ကောင်စီ ပို့ဆောင်တဲ့နေရာတင်မဟုတ်ပဲ ငလျင်ဒဏ်ခံစားကြရပြီး အရေးပေါ်ကယ်ဆယ်ရေး အကူအညီတွေ လိုအပ်နေတဲ့ စစ်ကိုင်းတိုင်း၊ မန္တလေးတိုင်း၊ ပဲခူးတိုင်း၊ ရှမ်းပြည်နယ်တောင်ပိုင်းက နေရာဒေသတွေ ဆီကိုလည်း ရောက်ရှိကူညီပေးကြဖို့ မေတ္တာရပ်ခံလိုသလို အမျိုးသားညီညွတ်ရေး အစိုးရ အနေနဲ့ လည်း ပူးပေါင်းဆောင်ရွက်ဖို့ အဆင်သင့်ရှိကြောင်း ပြောကြားပါရစေ။” ဟု ဦးနေ ဘုန်းလတ်က ပြောကြားသည်။
ငလျင်ဒဏ်ကြောင့် မန္တလေးအိုးဘိုထောင်ထဲရှိ အဆောက်အဦအချို့လည်းပြိုကျပျက်စီးခဲ့ကြောင်း၊ ထို့ကြောင့် မတရားဖမ်းဆီးအကျဉ်းချခံရထားရသည့် နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစု ကြည်၊ နိုင်ငံတော်သမ္မတ ဦးဝင်းမြင့်နှင့် နိုင်ငံရေးအကျဉ်းသားအားလုံး၏ အခြေအနေကို အထူးစိုးရိမ် ကြောင်း ၎င်းက ဆက်လက်ပြောကြားသည်။
Thanlwin Myanmar Media
