NUG အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန ပြည်ထောင်စုဝန်ကြီး နော်စူစန်နာ လှလှစိုး ၊ ဝန်ကြီးဌာန အကြံပေးဖြစ်သူ ဒေါ်ရွှေရွှေစိန်လတ်တို့ ဂျပန်နိုင်ငံ အလုပ်သမား သမဂ္ဂ ဥက္ကဌ၊ အမှုဆောင်များနှင့် တွေ့ဆုံ
သံလွင်မြန်မာသတင်း
ဖေဖော်ဝါရီလ ၁၆
NUG အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန ပြည်ထောင်စုဝန်ကြီး နော်စူစန်နာ လှလှစိုး ၊ ဝန်ကြီးဌာန အကြံပေးဖြစ်သူ ဒေါ်ရွှေရွှေစိန်လတ်တို့သည် ဂျပန်နိုင်ငံအလုပ်သမား သမဂ္ဂ ဥက္ကဌ၊ အမှုဆောင်များနှင့် တွေ့ဆုံခဲ့ကြောင်း သိရသည်။
ဖေဖော်ဝါရီလ ၇ ရက်နေ့က အမျိုးသားညီညွတ်ရေးအစိုးရ အမျိုး သမီး၊ လူငယ်နှင့် ကလေးသူငယ် ရေးရာ ဝန်ကြီးဌာန ပြည်ထောင်စုဝန်ကြီး နော်စူစန်နာလှလှစိုး၊ ဝန်ကြီးဌာန အကြံပေးဖြစ်သူ ဒေါ်ရွှေ ရွှေ စိန်လတ်တို့သည် ဂျပန်နိုင်ငံသို့ ရောက်ရှိနေစဉ်အတွင်း ဂျပန်နိုင်ငံရှိ အင်အားကြီး အလုပ်သမား သမဂ္ဂ များဖြစ်သော ဂျပန်တနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် (Rengo) နှင့် အသေး စား၊ အလတ်စား စက်ပစ္စည်းထုတ်လုပ်ရေး အလုပ်သမားသမဂ္ဂ (JAM) တို့မှ ဥက္ကဌ၊ အမှုဆောင်များ နှင့် တွေ့ဆုံခဲ့ကြောင်း သိရသည် ။
မြန်မာ့ဒီမိုကရေစီ အသွင်ကူးပြောင်းရေးတွင် အစဉ်တစိုက် အားပေးကူညီပေးနေသည့် အလုပ်သမား သမဂ္ဂတာဝန်ရှိသူများအား ကျေးဇူးတင်ကြောင်း အမျိုးသားညီညွတ်ရေးအစိုးရ အမျိုး သမီး၊ လူငယ် နှင့် ကလေးသူငယ် ရေးရာ ဝန်ကြီးဌာန ပြည်ထောင်စုဝန်ကြီး နော်စူစန်နာလှလှစိုးကပြောကြားခဲ့ ကြောင်း သိရသည်။
ထို့အပြင် အမျိုးသားညီညွတ်ရေးအစိုးရနှင့် အလုပ်သမားရေးရာကဏ္ဍရပ်များတွင် ချိတ်ဆက်ဆောင် ရွက်ကာ ဂျပန်နိုင်ငံရောက် မြန်မာနိုင်ငံသား အလုပ်သမားများ၏ အခွင့်အရေးရပိုင်ခွင့်များအား ကူညီ ကာကွယ်ပေးနိုင်ရန်အတွက် အပြန်အလှန် ရင်းနှီးပွင့်လင်းစွာ ဆွေးနွေးခဲ့ကြောင်း သိရသည်။
Thanlwin Myanmar Media
