မြင်းခြံမြို့နယ်၊ ဆုံရွာနှ့င် ကတောရွာရှိ စစ်သား၊ ပျူစောထီးများ ကို ဒရုန်းဖြင့် ဗုံးကျဲတိုက်ခိုက်ခိုက်မှု ၅ ဦး ဒဏ်ရာရ(ရုပ်သံ)
D Day News
ဇွန်လ ၁၈
မန္တလေးတိုင်း၊ မြင်းခြံမြို့နယ်၊ ဆုံရွာနှင့် ကတောရွာရှိ အကြမ်းဖက်စစ်သား၊ ပျူစောထီးများကို ဒရုန်း ဖြင့် ဗုံးကျဲတိုက်ခိုက်ခဲ့ရာ ၅ ဦးထိခိုက်ဒဏ်ရာရရှိခဲ့ကြောင်း ရွှေဂျိုးဖြူပြည်သူ့ကာကွယ်ရေးတပ်ဖွဲ့ -မြင်းခြံထံမှ သိရသည်။
ဇွန်လ ၁၄ ရက် ညနေ ၄ နာရီခန့်က မြင်းခြံမြို့နယ်၊ ဆီမီးခုံမြိုအရှေ့ဘက်ရှိ ပျုစောထီးများကြီးစိုး သော ဆုံရွာအနီးရှိ ဇရပ်တစ်ခုပေါ်တွင် ကင်းစောင့်နေသော ပျူစောထီးများကို ဒရုန်းဖြင့် ဗုံးသီး ၂ လုံး ကျဲချ တိုက်ခိုက်ခဲ့ရာ ပျူစောထီး ၂ ဦး ဗုံးစထိမှန်ဒဏ်ရာရရှိခဲ့ကြောင်း သိရသည်။
https://youtu.be/UbVjxnDvr_g
“သေ၊ မသေတော့ မသိရသေးပါဘူး၊ ဆက်လက် စုံစမ်းနေတုန်းပါ၊ ကတောရွာမှာ ဒရုန်းချတာက တော့ ၃ ဦးဒဏ်ရာရတယ်လို့ ကြားသိရပါတယ်။” ဟု ရွှေဂျိုးဖြူပြည်သူ့ကာကွယ်ရေးတပ်ဖွဲ့ -မြင်းခြံ မှ တာဝန်ရှိသူတစ်ဦးက ပြောကြားသည်။
အလားတူ ဇွန်လ ၁၅ ရက်နေ့ ညနေ ၄ နာရီ ခန့်တွင် မြင်းခြံမြို့နယ်၊ ကတောရွာရှိ တိုက်အိမ်တစ်လုံး ပေါ် နှင့် ဘုန်းကြီးကျောင်းအတွင်းတပ်စွဲထားသော အကြမ်းဖက်စစ်သားများကို ဒရုန်းဖြင့် ဗုံးသီး ၂ လုံး ကျဲချတိုက်ခိုက်ခဲ့ရာ အကြမ်းဖက်စစ်သား ၃ ဦး ဗုံးစထိမှန်ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ရွှေဂျိုးဖြူ-ပြည်သူ့ကာကွယ်ရေးတပ်ဖွဲ့ – မြင်းခြံ နှင့် Aung San’s Blood Civilian Defense Force – ABCDF မဟာမိတ်ညီနောင်နှစ်ဖွဲ့ ပူးပေါင်းကာ တိုက်ခိုက်ခဲ့ခြင်းဖြစ် ကြောင်း သိရသည်။
D Day News
